சுவிசில் டிசம்பர் மாதம் வேலையில்லாதவர்களின் எண்ணிக்கை தொடர்ந்து அதிகரித்து வருகிறது. 2025 ஆம் ஆண்டில் ஒட்டுமொத்தமாக சராசரி வேலையின்மை விகிதமும் கணிசமாக உயர்ந்துள்ளது.
டிசம்பர் மாத இறுதியில், சுவிட்சர்லாந்து முழுவதும் உள்ள பிராந்திய வேலைவாய்ப்பு மையங்களில் (RAV) மொத்தம் 147,275 பேர் வேலையில்லாதவர்களாகப் பதிவு செய்யப்பட்டுள்ளனர் என்று பொருளாதார விவகாரங்களுக்கான அரச செயலகம் (SECO) ஷதெரிவித்துள்ளது.
இது நவம்பரை விட 8,415 அதிகமாகவும், 2024 ஆம் ஆண்டின் இறுதியில் இருந்ததை விட 16,982 அதிகமாகவும் இருந்தது.
இந்தப் பின்னணியில், வேலையின்மை விகிதம் முந்தைய மாதத்தில் 2.9% ஆக இருந்த நிலையில் டிசம்பரில் 3.1% ஆக உயர்ந்தது.
2023 முதல் காணப்பட்ட வேலையின்மை புள்ளிவிவரங்கள் சற்று அதிகரிக்கும் போக்கு கடந்த ஆண்டு தொடர்ந்தது என்று SECO மேலும் கூறியது.
ஆண்டு சராசரி வேலையின்மை விகிதம் 0.4 சதவீத புள்ளிகள் அதிகரித்து 2.8% ஆக உள்ளது. சராசரியாக 133,712 பேர் வேலையில்லாமல் பதிவு செய்யப்பட்டுள்ளனர். இது 2024 ஐ விட 21,149 அதிகமாகும்.
வேலை தேடுபவர்களின் எண்ணிக்கையும் தொடர்ந்து அதிகரித்து வருகிறது. டிசம்பரில், மொத்தம் 231,624 வேலை தேடுபவர்கள் RAV-களில் பதிவு செய்யப்பட்டுள்ளனர், இது நவம்பரை விட 5,740 அதிகம்.
அதே நேரத்தில், RAV-களில் வேலை வெற்றிடங்களின் எண்ணிக்கையும் அதிகரித்துள்ளது. அவை 3,720 அல்லது 10% அதிகரித்து 35,940 ஆக உயர்ந்துள்ளது.
மூலம்- swissinfo