1998 ஆம் ஆண்டு நாகனோவில் நடந்த ஒலிம்பிக் போட்டிகளில் வெண்கலப் பதக்கம் வென்ற சுவிஸ் பனிச்சறுக்கு வீரர் உலி கெஸ்டன்ஹோல்ஸ், சனிக்கிழமை வலைஸில் ஏற்பட்ட பனிச்சரிவில் உயிரிழந்தார்.
இந்த விபத்து ஹோக்குரிஸின் கிழக்கு சரிவில் உள்ள லோட்ஷென்டலில் சுமார் 2,400 மீட்டர் உயரத்தில் நடந்ததாக பொலிஸ் அறிக்கை ஒன்று குறிப்பிடுகிறது.
இந்தச் சம்பவத்தில் ஒரு பனிச்சறுக்கு வீரர் தன்னை காப்பாற்றிக் கொண்டார் என்றும் தெரிவிக்கப்பட்டுள்ளது.
50 வயதான கெஸ்டன்ஹோல்ஸ், மீட்புக் குழுவினரால் மீட்கப்பட்டு ஹெலிகொப்டர் மூலம் மருத்துவமனைக்கு கொண்டு செல்லப்பட்ட நிலையில், சியோனில் மரணமானார்.
1998 ஆம் ஆண்டில், கெஸ்டன்ஹோல்ஸ் ஒலிம்பிக் வரலாற்றில் முதல் ஸ்னோபோர்டிங் போட்டியில் வெண்கலப் பதக்கம் வென்றார். 2002 ஒலிம்பிக்கிலும் அவர் ங்கேற்றார்.
2003 மற்றும் 2004 X விளையாட்டுகளில் ஸ்னோபோர்டு கிராஸில் இரண்டு தங்கப் பதக்கங்களையும் அவர் வென்றார்.
மேலும் மொத்தம் 14 உலகக் கோப்பை வெற்றிகளைப் பெற்றார். 2006 டுரினில் நடந்த ஒலிம்பிக்கிலும் முன்னோடிகளில் ஒருவராக அவர் இருந்தார்.
2006 இல் போட்டி விளையாட்டிலிருந்து ஓய்வு பெற்ற பிறகு, கெஸ்டன்ஹோல்ஸ் ஒரு தொழில்முறை தடகள வீரராக இருந்தார்.
மூலம்- swissinfo