விலையேற்றங்கள் இருந்த போதிலும், சுவிட்சர்லாந்தில் நுகர்வோர் செலவுப் பழக்கவழக்கங்கள் மாறாமல் உள்ளன.
செப்டம்பர் மாதத்தில், போஸ்ட்ஃபைனான்ஸின் 2.4 மில்லியன் வாடிக்கையாளர்கள் செய்த அட்டைப் பணப்பரிவர்த்தனைகளை அடிப்படையாகக் கொண்ட நுகர்வுக் குறியீடு, 2025 ஆம் ஆண்டின் இதே காலகட்டத்துடன் ஒப்பிடும்போது 0.9% அதிகரித்துள்ளது.
இந்த அதிகரிப்பு ஓகஸ்டில் 0.8%, ஜூலையில் 1.1% மற்றும் ஜூன் மாதத்தில் 1.8% ஆக இருந்தது.
“கோடைக்காலத்தை விட சற்றே மெதுவான வேகத்தில் இருந்தாலும், சுவிட்சர்லாந்தில் நுகர்வோர் செலவினம் தொடர்ந்து வளர்ந்து வருகிறது,” என்று போஸ்ட்ஃபைனான்ஸ் ஆய்வாளர்கள் சமீபத்திய அறிக்கை ஒன்றில் தெரிவித்தனர்.
விடுமுறைக்காலம் இப்போது முடிந்து விட்டதால், பயணம் மற்றும் சமூக நடவடிக்கைகளுக்கான செலவுகள் குறைந்துள்ளன.
சுவிட்சர்லாந்திலும் வெளிநாடுகளிலும் உணவகங்களுக்குச் செல்வது குறைந்திருப்பது இதை பிரதிபலிக்கிறது. இதற்கு மாறாக, நுகர்வோர் அழகுசாதனப் பொருட்கள் மற்றும் அழகு சிகிச்சைகளுக்காக கணிசமாக அதிகமாக செலவிட்டனர்.
“சமீபத்திய பணவீக்க உயர்வால் குடும்ப வரவு செலவுத் திட்டங்களில் கூடுதல் அழுத்தம் இருந்த போதிலும், ஒட்டுமொத்தமாக நுகர்வோர் செலவினம் மீள்தன்மையுடன் உள்ளது,” என்று போஸ்ட்ஃபைனான்ஸ் ஆய்வாளர்கள் முடிவுக்கு வந்தனர்.
மூலம்- swissinfo
