காளான் ஊறுகாயில், க்ளோஸ்ட்ரிடியம் போட்யூலினம் ரொக்ஸின் வகை A என்ற பக்டீரியா கண்டறியப்பட்டுள்ளதால் இதனை தவிர்க்குமாறு அறிவுறுத்தப்பட்டுள்ளது.
பொதுவாக உப்புநீரில் போடப்பட்ட இந்த காளான்களை உட்கொள்ளும் போது ஒரு உடல்நல ஆபத்து ஏற்படுவதை நிராகரிக்க முடியாது என அறிவிக்கப்பட்டுள்ளது.
உணவுப் பாதுகாப்பு மற்றும் கால்நடை விவகாரங்களுக்கான மத்திய அலுவலகம் இந்தத் தயாரிப்புகளை உட்கொள்ள வேண்டாம் என்று பரிந்துரைத்துள்ளது.
Lackmann Fleisch-und Feinkostfabrik GmbH என்ற நிறுவனம் இந்த தயாரிப்பை விற்பனையிலிருந்து உடனடியாக திரும்பப் பெறத் தொடங்கியது.
க்ளோஸ்ட்ரிடியம் போட்லினம் என்பது ஒரு பக்டீரியாவாகும், இது காற்று இல்லாத நிலையில் வாழ்கிறது. இதனால் பல்வேறு நியூரோடொக்சின்களை உருவாக்க முடியும்.
மனிதர்கள் இதனை சாப்பிட்ட 12 முதல் 36 மணி நேரத்திற்குள், பேச்சு மற்றும் விழுங்குவதில் சிரமம், வயிற்று வலி, நரம்பு கோளாறுகள் மற்றும் முகம் அல்லது கைகால்களின் முடக்கம் போன்ற அறிகுறிகள் பொதுவாக ஏற்படும். காய்ச்சல் ஏற்படாது.
இந்த தயாரிப்பை உட்கொண்டவர்கள் குறிப்பிட்ட அறிகுறிகள் ஏற்பட்டால் உடனடியாக மருத்துவரை அணுக வேண்டும். இந்த தயாரிப்பை உட்கொள்ள வேண்டாம் என்று BLV பரிந்துரைத்துள்ளது.
500 கிராம் எடையுள்ள போத்தல்களில் இந்த காளான் ஊறுகாய் அடைக்கப்பட்டுள்ளதாகவும், Epicerie Sputnik SARL, rue de la Servette 71, 1202 Geneve, PELMEN, Bahnhofstrasse 16, 6340 Baar, Votre Gastronome SARL; Avenue des Alpes 90b, 1820 Montreux போன்ற இடங்களில் விற்பனைக்கு விடப்பட்டதாகவும் அறிவிக்கப்பட்டுள்ளது.
ஆங்கிலம் மூலம் – 20min