சுவிஸ் பயிற்சியாளர்களில் மூன்றில் இரண்டு பங்கினர், உளவியல் சிக்கல்களால் பாதிக்கப்பட்டுள்ளனர் என்று மனநல திறன் மையமான WorkMed நடத்திய கணக்கெடுப்பில் தெரியவந்துள்ளது.
சுவிட்சர்லாந்து முழுவதும் 49,000 பயிற்சியாளர்களின் மாதிரியில் இந்த கணக்கெடுப்பு, நடத்தப்பட்டது.
2024 ஆம் ஆண்டில் யூனியா தொழிற்சங்கத்தால் நடத்தப்பட்ட பயிற்சியில் உள்ள இளைஞர்களின் கணக்கெடுப்பின் முடிவுகளை இது உறுதிப்படுத்துகிறது.
“அவர்களின் துயரம் மிகவும் உண்மையானது. பயிற்சியாளர்களுக்கு அதிக அங்கீகாரமும் அதிக விடுமுறை நாட்களும் தேவை” என்று சுவிஸ் தொழிற்சங்கம் தெரிவித்துள்ளது.
பயிற்சியாளர்களுக்கு தற்போது ஐந்து வாரங்கள் விடுமுறை வழங்கப்படும் நிலையில் அது எட்டு வாரங்களுக்கு நீடிக்கப்பட வேண்டும் என்றும் அது கூறியுள்ளது.
கணக்கெடுப்பில் பங்கேற்றவர்களில் 61% பேர் தங்கள் பயிற்சியின் போது உளவியல் சிக்கல்களால் பாதிக்கப்பட்டதாகக் குறிப்பிட்டனர்.
குறிப்பாக, கணக்கெடுக்கப்பட்ட பயிற்சியாளர்களில் 60% பேர், பயிற்சி நிலைமைகள் தங்கள் கவலைகளைத் தூண்டியதாகவோ அல்லது மோசமாக்கியதாகவோ கூறினர்.
மூலம்- swissinfo