லௌசானில் நகர மையத்தில் உள்ள பெல்-ஏர் கட்டிட வளாகத்திலும் அதைச் சுற்றியும் நேற்று இரண்டு பேரின் சடலங்கள் கண்டுபிடிக்கப்பட்டுள்ளன.
வீதியில் வெளியே ஒரு ஆண் சடலமாக காணப்பட்டார்; பின்னர், அவர் விழுந்த அடுக்குமாடி குடியிருப்பில் ஒரு பெண்ணின் உடல் கண்டெடுக்கப்பட்டது என்று பொலிசார் தெரிவித்துள்ளனர்.
நேற்றுக் காலை 6 மணிக்கு, தெருவில் ஒரு உடல் கிடப்பதாக பொலிஷலீசாருக்கு தகவல் கிடைத்தது என்று சனிக்கிழமை மாலை பொலிசார் தெரிவித்தனர்.
சுமார் 35 மீட்டர் உயரத்தில் இருந்து விழுந்து அந்த நபர் இறந்து விட்டதாக அறிவிக்கப்பட்டது.
பின்னர் விபத்து நடந்த இடத்திற்கு அருகிலுள்ள இறந்தவரின் வீட்டிற்குச் சென்ற பொலிசார், அங்குள்ள ஒரு அடுக்குமாடி குடியிருப்பில் அவரது மனைவியின் உயிரற்ற உடலைக் கண்டெடுத்தனர்.
தம்பதியரின் குழந்தைகள் பாதுகாப்புக்காக அழைத்துச் செல்லப்பட்டனர்.
நகர மற்றும் கன்டோனல் பொலிஸ் படைகள், மருத்துவ மற்றும் அவசரகால உளவியல் பணியாளர்கள் இந்த நடவடிக்கைக்காக குவிக்கப்பட்டிருந்தனர்.
மூலம்- bluewin