செவ்வாய்க்கிழமை அமுலுக்கு வந்த புதிய அமெரிக்க வரிகள், ஏற்கனவே உள்ள வரிகளை 150 நாட்களுக்கு மாற்றியமைக்கும் என்று சுவிஸ் அரசாங்கம்தெரிவித்துள்ளது.
அமெரிக்க ஜனாதிபதி டொனால்ட் டிரம்ப் அறிவித்த 10% வரிகள்தான் தற்போது நடைமுறையில் உள்ளதாக பொருளாதார அமைச்சர் கை பர்மெலின் புதன்கிழமை ஒரு செய்தியாளர் சந்திப்பின் போது தெரிவித்தார்.
வெள்ளிக்கிழமை அமெரிக்க உச்ச நீதிமன்றம் உலகின் பிற பகுதிகளுக்கு விதிக்கப்பட்ட முந்தைய வரிகளை ரத்து செய்த பின்னர் டிரம்ப் புதிய வரிகளை அறிமுகப்படுத்தினார்.
டிரம்பின் நடவடிக்கைக்கு பதிலளிக்கும் விதமாக, பிரஸ்ஸல்ஸ் மற்றும் வொஷிங்டன் இடையேயான வர்த்தக ஒப்பந்தத்தின் ஒப்புதலை ஐரோப்பிய நாடாளுமன்றம் நிறுத்தி வைத்துள்ளது. இருப்பினும், சுவிஸ் அரசாங்கம் அத்தகைய எந்த நடவடிக்கையும் எடுக்கவில்லை.
சுவிட்சர்லாந்துக்கும் அமெரிக்காவிற்கும் இடையிலான ஒப்பந்தம் குறித்த பேச்சுவார்த்தைகள் இன்னும் நடந்து கொண்டிருக்கின்றன என்று பர்மெலின் கூறினார்.
“சமீபத்தில் சுவிட்சர்லாந்தில் முதல் சுற்று தொழில்நுட்ப பேச்சுவார்த்தைகள் நடைபெற்றன. இந்த விவாதங்களைத் தொடரவும், வரும் வாரங்களில் தலைமை பேச்சுவார்த்தையாளர்களுக்கு இடையேயான பேச்சுவார்த்தைகளுக்கு நகரவும் திட்டம் உள்ளது,” என்று அவர் மேலும் கூறினார்.
மூலம்- swissinfo