லுஃப்தான்சா விமானப் பணிப்பெண்களின் வேலைநிறுத்தம் சுவிட்சர்லாந்தின் விமானப் போக்குவரத்தையும் பாதித்துள்ளது.
நேற்று பாசலில் எட்டு விமானங்களும், ஜெனீவாவில் நான்கு விமானங்களும், சூரிச்சில் ஆறு விமானங்களும் ரத்து செய்யப்பட்டன.
ஈஸ்டர் பயண அலை முடிவில், லுஃப்தான்சா விமானப் பணிப்பெண்கள் வேலைநிறுத்தத்தில் ஈடுபட்டதால், நூற்றுக்கணக்கான விமானங்கள் ரத்து செய்யப்பட்டுள்ளன.
யூஃபோ (Ufo) என்ற விமானப் பணிப்பெண் சங்கம், சுமார் 20,000 விமானப் பணிப்பெண்களை நள்ளிரவு முதல் வேலையை நிறுத்துமாறு அழைப்பு விடுத்தது.
இந்த வேலைநிறுத்தம் மூன்று முக்கிய சுவிஸ் விமான நிலையங்களின் செயற்பாடுகளையும் பாதிக்கிறது.
பாசலில், நேற்று நான்கு வருகை விமானங்களும் நான்கு லுஃப்தான்சா புறப்பாடு விமானங்களும் ரத்து செய்யப்பட்டன. சூரிச்சிலும் இதே நிலைதான். சூரிச் மற்றும் பிராங்பர்ட் இடையே தலா ஆறு லுஃப்தான்சா விமானங்கள் ரத்து செய்யப்பட்டன என்று சூரிச் விமான நிலையத்தின் செய்தித் தொடர்பாளர் தெரிவித்தார்.
மேலும் ஜெனீவாவில், பிராங்பர்ட் மற்றும் மியூனிக்கிற்குச் செல்லும் இரண்டு புறப்பாடு விமானங்களும் இரண்டு திரும்பும் விமானங்களும் ரத்து செய்யப்பட்டன.
மூலம்- swissinfo