வலாய்ஸ் மாகாணத்தின் லூக் நகரில் 40 ஸ்டார்லிங்க் செயற்கைக்கோள் அன்ரெனாக்களை அமைக்கும் திட்டத்தை நிறுத்துமாறு சுவிஸ் அரசாங்கத்தை வலியுறுத்தி, எதிர்ப்பாளர்கள் பெர்ன் நகரில் 14,550 கையொப்பங்களுடன் ஒரு மனுவைச் சமர்ப்பித்துள்ளனர்.
இந்தத் திட்டம் ஒரு “ஆபத்தான புவிசார் அரசியல் சார்புநிலையை” உருவாக்கும் என்று கேம்பாக்ஸ் மற்றும் “லூக் பிராந்தியத்தில் செயற்கைக்கோள் கதிர்வீச்சுக்கு எதிரான பாதுகாப்பு” ஆகிய அமைப்புகள் தெரிவித்துள்ளன.
சுவிஸ் கிராமமான லூக்கில் 40 ஸ்டார்லிங்க் அன்ரெனாக்களை நிறுவும் திட்டங்கள் உள்ளூர் எதிர்ப்பைச் சந்தித்து வருகின்றன.
ஸ்டார்லிங்க் நடுநிலையானது அல்ல என்று கூறி, இது சுவிட்சர்லாந்தின் தரவு இறையாண்மைக்கு அச்சுறுத்தல் என்று பிரச்சாரகர்கள் கண்டிக்கின்றனர். இந்த செயற்கைக்கோள் இணைய வணிகத்தை எலான் மஸ்க்கின் விண்வெளி நிறுவனமான ஸ்பேஸ்எக்ஸ் உருவாக்கியுள்ளது.
வழக்கமான கைபேசி அன்ரெனாக்களை விட கணிசமாக அதிக ஒலிபரப்புத் திறனுடன், வலாய்ஸ் மாகாணத்தில் உள்ள மக்கள் வசிக்கும் பகுதிகளிலும், ஃபைன்-ஃபிஞ்சஸ் இயற்கை பூங்காவிலும் இந்த ஸ்டார்லிங்க் அன்ரெனாக்கள் நிறுவ திட்டமிடப்பட்டுள்ளது.
லூக் நகராட்சி நவம்பர் 2025-ல் கட்டுமான அனுமதியை வழங்கியது. வலாய்ஸ் அரசாங்கத்திடம் மேல்முறையீடு செய்யப்பட்டுள்ளது.
ஸ்விஸ் நகரமான லூக், ஸ்பேஸ்எக்ஸ் செயற்கைக்கோள் டிஷ்களுக்கு எதிரான எதிர்ப்பைப் புறந்தள்ளுகிறது.
பல ஆண்டுகளுக்கு முன்பு ஏவப்பட்ட ஸ்டார்லிங்க், தொலைதூரப் பகுதிகளுக்கும் அல்லது தகவல் தொடர்பு உள்கட்டமைப்பு இல்லாத இடங்களுக்கும் இணைய அணுகலை வழங்குகிறது.
ஸ்பேஸ்எக்ஸ் நிறுவனம் தற்போது 6,750-க்கும் மேற்பட்ட செயற்கைக்கோள்களை சுற்றுப்பாதையில் கொண்டிருப்பதாகவும், 5 மில்லியனுக்கும் அதிகமான சந்தாதாரர்களைக் கொண்டிருப்பதாகவும் கூறுகிறது.
மூலம்- swissinfo