ஜெர்மனியில் விமான நிலையங்களில் இடம்பெறும் வேலைநிறுத்தங்கள் காரணமாக, சூரிச் விமான நிலையத்தில் இன்று 66 விமானங்கள் ரத்து செய்யப்பட்டுள்ளன.
ஜெனீவாவிலிருந்து ஜெர்மனிக்குச் செல்லும் 14 விமானங்களும் ரத்து செய்யப்பட்டுள்ளதாக ஜெனீவா விமான நிலைய வலைத்தளம் தெரிவித்துள்ளது.
சூரிச் விமான நிலையத்தில் 34 வருகைகள் மற்றும் 32 புறப்பாடுகள் ரத்து செய்யப்பட்டுள்ளதாக விமான நிலைய பேச்சாளர் ஒருவர் தெரிவித்தார்.
ஸ்விஸ், ஈஸிஜெட், யூரோவிங்ஸ் மற்றும் லுஃப்தான்சா ஆகிய விமான நிறுவனங்களின், விமானங்கள், பெர்லின், ஹாம்பர்க், டுசெல்டார்ஃப், பிராங்பேர்ட் மற்றும் ஹனோவர் ஆகிய இடங்களிலிருந்து புறப்பட அல்லது வந்து சேர திட்டமிடப்பட்டிருந்தன.
பாசலில் உள்ள யூரோ விமான நிலையத்தில், திங்கட்கிழமை 10 புறப்பாடுகளும் 11 வருகைகளும் ரத்து செய்யப்பட்டதாக விமான நிலைய வலைத்தளம் தெரிவித்துள்ளது.
பெரும்பாலான விமானங்கள் 24 மணி நேரத்திற்கு முன்பே ரத்து செய்யப்பட்டன.
பயணிகள் விமான நிலையத்திற்கு வரவேண்டாம் என்று விமான நிறுவனங்கள் அறிவுறுத்தியுள்ளன.
பயணிகள் தங்கள் விமானத்தின் நிலையை முன்கூட்டியே சரிபார்க்குமாறு சூரிச் விமான நிலையம் அறிவுறுத்துகிறது.
மூலம்- swissinfo