பெர்னில் உள்ள வில்லெரெட்டில் ஒரு விநியோக வாகனம் விபத்திற்குள்ளானதில் பயணி சம்பவ இடத்திலேயே இறந்தார்.
வியாழக்கிழமை காலை 7:50 மணிக்குப் பின்னர், வில்லெரெட்டில் உள்ள மோன்ட்-குரோசினில் உள்ள பாஸ் வீதியில் இந்தச் சம்பவம் இடம்பெற்றது.
வாகனம் காட்டுப் பகுதியில் உள்ள மலைப்பாதையில் வீதியை விட்டு விலகி, இடதுபுறத்தில் உள்ள கரையில் மோதி, பின்னர் கவிழ்ந்தது.
உடனடியாக வந்த அவசர உதவியாளர்கள், பக்கவாட்டில் விழுந்த ஒரு விநியோக வாகனத்திற்குள் பலத்த காயமடைந்த ஒருவரை மீட்ட போதும், அவர் சம்பவ இடத்திலேயே உயிரிழந்தார்.
இந்தச் சம்பவத்தில் உயிரிழந்த நபர் பெர்னில் வசிக்கும் 64 வயது போர்த்துகீசியர் எனத் தெரியவந்துள்ளது.
விநியோக வாகனத்தின் ஓட்டுநருக்கு விபத்தில் லேசான காயங்கள் ஏற்பட்டன.
மூலம்- swissinfo