பெர்னில் உள்ள நியூஃபெல்ட் அருகே A1 மோட்டார் பாதையில், வியாழக்கிழமை மாலை, நிறுத்தாமல் சென்ற கார் மீது பொலிசார் துப்பாக்கிச் சூடு நடத்தியுள்ளனர்.
வியாழக்கிழமை மாலை சுமார் 8:30 மணியளவில், பெர்ன் பொலிசார் பெர்ன் நோக்கிச் செல்லும் A1 மோட்டார் பாதையில் ஒரு காரை நிறுத்த முயன்றனர்.
அந்த வாகனம், ஜூக் மாகாணத்தில் நடந்த ஒரு கொள்ளை தொடர்பாக தேடப்படும் உரிமத் தகடுகளைக் கொண்டிருந்தது.
துரத்திச் சென்று வாகனத்தை நிறுத்தும் பொலிசாரின் முயற்சிகள் தோல்வியடைந்தன.
அந்த கார் நிறுத்தாமல் தப்பிச் சென்ற போது, காரின் டயர்களில் துப்பாக்கிச் சூடு நடத்தப்பட்டது
இதையடுத்து அதன் ஓட்டுநர் மற்றும் பயணி இருவரும் பிரெம்கார்டன் காட்டை நோக்கி கால்நடையாக தப்பிச் சென்றனர்.
ட்ரோன் மற்றும் ஒரு பொலிஸ் நாயின் உதவியுடன் நடத்தப்பட்ட தேடுதலின் போது, தப்பியோடிய இரண்டு நபர்களும் கைது செய்யப்பட்டனர். அவர்களில் ஒருவர் நாய் கடித்ததால் காயம் அடைந்தார். இருவரும் கைது செய்யப்பட்டனர்.
மூலம்- 20min.