அமெரிக்க ஜனாதிபதி டொனால்ட் டிரம்ப், அமெரிக்காவிற்குள் இறக்குமதி செய்யப்படும் காப்புரிமை பெற்ற மருந்துகளுக்கு 100% வரை வரி விதிப்பதாக அறிவித்துள்ளார்.
வியாழக்கிழமை வெள்ளை மாளிகையால் வெளியிடப்பட்ட ஒரு ஆணைப்படி, சுவிஸ் மருந்து ஏற்றுமதிகளுக்கு 15% வரி விதிக்கப்படும்.
அமெரிக்க அரசாங்கத்தின் அறிவிப்பின்படி, காப்புரிமை பெற்ற மருந்துகள் மற்றும் அவற்றின் முக்கிய மூலப்பொருட்கள் மீது 100% வரை வரி விதிக்க டிரம்ப் முடிவு செய்துள்ளார்.
வெள்ளை மாளிகையின்படி, உள்நாட்டு உற்பத்தியை வலுப்படுத்துவதும், இறக்குமதியைச் சார்ந்திருப்பதைக் குறைப்பதும் இந்த வரிகளின் நோக்கமாகும்.
“உணவு மற்றும் மருந்து நிர்வாகத்தின்படி, 2025 ஆம் ஆண்டு நிலவரப்படி, உள்நாட்டில் விநியோகிக்கப்படும் காப்புரிமை பெற்ற மருந்துப் பொருட்களில் சுமார் 53% வெளிநாடுகளில் உற்பத்தி செய்யப்படுகின்றன. முக்கிய மருந்து மூலப்பொருட்கள் (API) மட்டத்தில் இறக்குமதியைச் சார்ந்திருக்கும் அளவு குறிப்பிடத்தக்கது.
அமெரிக்க சந்தைக்காக காப்புரிமை பெற்ற முக்கிய மருந்து மூலப்பொருட்களில் 15% மட்டுமே உள்நாட்டில் உற்பத்தி செய்யப்படுகின்றன,” என்று வியாழக்கிழமை வெளியிடப்பட்ட அதிகாரப்பூர்வ அறிக்கை தெரிவித்தது.
இருப்பினும், சுவிட்சர்லாந்து மற்றும் லிச்சென்ஸ்டீன் உள்ளிட்ட, அமெரிக்காவுடன் வர்த்தக ஒப்பந்தங்களைக் கொண்டுள்ள நாடுகளுக்கு, கணிசமாகக் குறைந்த 15% வரி விகிதம் பொருந்தும்.
இந்த நடவடிக்கைகள் பெரிய நிறுவனங்களுக்கு 120 நாட்களிலும், சிறிய நிறுவனங்களுக்கு 180 நாட்களிலும் அமலுக்கு வரவுள்ளன. ஜெனரிக் மற்றும் பயோசிமிலர் மருந்துகளுக்கு தற்போதைக்கு சுங்க வரிகளிலிருந்து விலக்கு அளிக்கப்பட்டுள்ளது.
மூலம்- swissinfo