சுவிட்சர்லாந்தின் கிரான்ஸ்-மொன்டானாவில் ஏற்பட்ட தீ விபத்து தொடர்பாகக் குற்றம்சாட்டப்பட்டவர்களின் பட்டியல் 13 ஆக உயர்ந்துள்ளது. மேலும் நான்கு சந்தேக நபர்கள் மே மற்றும் ஜூன் மாதங்களில் அரசு வழக்கறிஞர்கள் முன் ஆஜராக உள்ளனர்.
கிரான்ஸ்-மொன்டானாவின் பாதுகாப்பிற்குப் பொறுப்பான தற்போதைய நகராட்சி உறுப்பினரை, மே 11 ஆம் திகதி ஆஜராகுமாறு அழைப்பு அனுப்பப்பட்டுள்ளது. அடுத்த நாள், அந்த நகராட்சியின் தற்போதைய பொதுப் பாதுகாப்புத் துணைத் தலைவரிடம் விசாரணை நடத்தப்படும்.
செர்மிஞான் நகராட்சியின் முன்னாள் தலைவர் (2009-2016) ஜீன்-கிளாட் சவோய், மே 13 ஆம் திகதி அரசு வழக்கறிஞர்கள் மற்றும் சட்ட வல்லுநர்கள் குழுவின் கேள்விகளுக்குப் பதிலளிக்க வேண்டும்.
இறுதியாக, பாதுகாப்புப் பொறுப்பு வகித்த முன்னாள் மேயர் (2013-2016) ஜூன் 3 ஆம் திகதி ஆஜராகுமாறு அழைக்கப்பட்டுள்ளார்.
கொன்ஸ்டலேஷன் மதுபான விடுதியின் மேலாளர் ஜாக்ஸ் மொரெட்டி, ஜூன் 5 அன்று மீண்டும் விசாரணைக்கு ஆஜராவார்.
குற்றம் சாட்டப்பட்ட 13 பேர் மீதும் கவனக்குறைவான கொலை, கவனக்குறைவான உடல் காயம் மற்றும் கவனக்குறைவான தீவைப்பு ஆகிய குற்றச்சாட்டுகள் சுமத்தப்பட்டுள்ளன.
மூலம்- swissinfo