பெர்ன் மாகாணத்தில் உள்ள ஓக்லன்பெர்க் என்ற இடத்தில், நேற்றுமதியம் சுமார் 1:30 மணியளவில் ஒரு சிறிய விமானம் புல்வெளியில் விழுந்து நொறுங்கியது.
சம்பவ இடத்திலிருந்து எடுக்கப்பட்ட காணொளிக் காட்சிகளில், தலைகீழாகக் கவிழ்ந்து கிடந்த விமானத்தின் சிதைந்த பாகங்கள் தெரிகின்றன.
சுவிஸ் சிலுவை சின்னம் பொறிக்கப்பட்ட வால் துடுப்பு, படங்களில் இன்னும் தெரிகிறது. அப்பகுதி பரந்த அளவில் சுற்றிவளைக்கப்பட்டது; பெர்ன் மாகாண காவல்துறை, தீயணைப்புப் படை மற்றும் மீட்புப் பணிகள் ஈடுபடுத்தப்பட்டன.
உடனடியாக சம்பவ இடத்திற்கு வந்த அவசரகால மீட்புப் பணியாளர்களால், விமானியின் மரணத்தை மட்டுமே உறுதிப்படுத்த முடிந்தது. “இறந்தவர், சோலோதூர்ன் மாகாணத்தைச் சேர்ந்த 64 வயது சுவிஸ் குடிமகன்,” என்று காவல்துறை செய்திக்குறிப்பு தெரிவித்தது.
விமானம் புறப்பட்ட இடம் மற்றும் அதன் இலக்கு ஆகியவை தற்போது தெரியவில்லை.
விபத்தில் சிக்கிய விமானம் ஒரு ஜெட்-க்ரி-க்ரி ஆகும்.
மூலம்- bluewin