மேற்கு சுவிட்சர்லாந்தின் நியோன் நகரில் உள்ள போர்முலா வன் சாம்பியன் அலெய்ன் ப்ராஸ்ட்டின் வீட்டில் நடந்த வன்முறைக் கொள்ளை தொடர்பாக, பிரான்சில் கைது செய்யப்பட்ட ஐந்து பேர் மீது, திட்டமிட்ட கும்பல் கொள்ளை மற்றும் சட்டவிரோத தடுப்புக்காவல் ஆகிய குற்றச்சாட்டுகள் சுமத்தப்பட்டுள்ளதாக போன்டுவாஸ் நகர அரசு வழக்கறிஞர் அறிவித்துள்ளார்.
“22 முதல் 21 வயதுக்குட்பட்ட மூன்று பெரியவர்களும், 17 மற்றும் 16 வயதுடைய இரண்டு சிறார்களும்” ஜூலை 1 ஆம் திகதி கைது செய்யப்பட்டதாக அரசு வழக்கறிஞர் தெரிவித்துள்ளார்.
திட்டமிட்ட தடுப்புக்காவல், கடத்தல் மற்றும் சட்டவிரோத சிறைவைப்பு, மற்றும் குற்றச் சதி ஆகிய குற்றச்சாட்டுகள் அவர்கள் மீது சுமத்தப்பட்டுள்ளதாக அரசு வழக்கறிஞரின் அறிக்கை தெரிவிக்கிறது.
நான்கு முறை போர்முலா வன் உலக சாம்பியனான 71 வயதான, பிரெஞ்சுக்காரர் ப்ராஸ்ட், மே 19 அன்று நியோனில் நடந்த கொள்ளையின் போது சிறு காயங்களுடன் தப்பினார்.
குற்றவாளிகள் பாதுகாப்புப் பெட்டகத்தில் இருந்த பொருட்களை, குறிப்பாக “ஆடம்பர கைக்கடிகாரங்களை” எடுத்துக்கொண்டு, பின்னர் பிரான்சை நோக்கித் தப்பிச் சென்றதாக போன்டுவாஸ் அரசு வழக்கறிஞர் தெரிவித்தார்.
கொள்ளையில் ஈடுபட்ட மூன்று பெரியவர்களும் காவலில் வைக்கப்பட்டுள்ளனர், மேலும் சிறார்களான மற்ற இருவரும் நீதிமன்றக் கண்காணிப்பில் வைக்கப்பட்டுள்ளனர்.
அவர்களுக்கு 30 ஆண்டுகள் வரை சிறைத்தண்டனை விதிக்கப்படலாம்.
மூலம்- swissinfo
