ஈரானைத் தனிமைப்படுத்தும் நோக்கில் எடுக்கப்பட்டு வரும் பரந்தளவிலான நடவடிக்கைகளின் ஒரு பகுதியாக, ஈரானிய எண்ணெய் வர்த்தகரான ஹொசைன் ஷம்கானியின் பரந்து விரிந்த வலையமைப்புக்கு எதிரான தடைகளை டிரம்ப் நிர்வாகம் நீடித்துள்ளது. இது அவரது வெல்பிரெட் குழுமத்தின் சரக்கு வணிகங்களை இலக்காகக் கொண்டுள்ளது.
திங்களன்று வெளியிடப்பட்ட ஓர் அறிவிப்பின்படி, திறைசேரியின் வெளிநாட்டுச் சொத்துக் கட்டுப்பாட்டு அலுவலகம், சிங்கப்பூரைத் தளமாகக் கொண்ட வெல்பிரெட் கப்பிட்டல், ஐக்கிய அரபு அமீரகத்தைத் தளமாகக் கொண்ட வெல்பிரெட் டிரேடிங் FZCO மற்றும் சுவிட்சர்லாந்தைத் தளமாகக் கொண்ட வெல்பிரெட் டிரேடிங் ஆகிய நிறுவனங்கள் மீது தடை விதித்துள்ளது.
மேலும், வெல்பிரெட்டிற்குச் சொந்தமானது எனக் கூறப்படும் பிரான்சின் சமையல் எண்ணெய் சுத்திகரிப்பு ஆலையான லா நிவர்னைஸ் டி ராஃபினேஜ் SAS-இன் பெயரையும் அது குறிப்பிட்டுள்ளது.
“வெல்பிரெட்டின் செயல்பாட்டிற்கு ஷம்கானியே இறுதியாகப் பொறுப்பானவர் என்றாலும், ஷம்கானி இந்த வலையமைப்பின் ஈரானிய வணிகத்திற்கு வெளியே ஒரு நிறுவனமாக வெல்பிரெட்டை உருவாக்கினார்,” என்று அமெரிக்க திறைசேரி ஓர் அறிக்கையில் தெரிவித்துள்ளது.
மறைந்த மூத்த ஈரானியப் பாதுகாப்பு அதிகாரி அலி ஷம்கானியின் மகனான ஷம்கானி மற்றும் அவரது வலையமைப்பில் உள்ள பிற நிறுவனங்கள் மீது வாஷிங்டன் ஏற்கனவே தடை விதித்துள்ளது.
மூலம்- swissinfo
