அமெரிக்க உள்நாட்டு விமானம் ஒன்றில், ஒழுங்கீனமாக நடந்து கொண்ட ஒரு பயணி, விமானப் பணியாளர்களால் அவரது இருக்கையில் டேப்பால் கட்டி வைக்கப்பட்டார்.
வியாழக்கிழமை நடந்த இந்தச் சம்பவத்தை அமெரிக்கன் ஏர்லைன்ஸ் செய்தித் தொடர்பாளர், உறுதிப்படுத்தினார்.
டல்லாஸிலிருந்து நியூயோர்க்கிற்கு அருகிலுள்ள நியூவார்க்கிற்குச் சென்ற விமானம் 618, பால்டிமோரில் இடைநிறுத்தம் செய்தது. அங்கு எப்.பி.ஐ அதிகாரிகள் அந்த நபரை விமானத்திலிருந்து வெளியேற்ற வேண்டியிருந்தது.
அந்தப் பயணி வெளிப்படையாகவே குடிபோதையில் இருந்தார். அவர் தனது சக பயணியை ஓரினச்சேர்க்கையாளர் என்று அழைத்து அவமதித்ததாகவும், பின்னர் ஒரு விமானப் பணிப்பெண்ணை இனரீதியாகத் திட்டியதாகவும் கூறப்படுகிறது.
மேலும், அவர் சக பயணியைக் குத்தியதாகவும், அவரது கணினியைச் சேதப்படுத்தியதாகவும் கூறப்படுகிறது. மற்ற பயணிகள் தலையிட்ட பின்னரே அவர் டேப்பால் கட்டுப்படுத்தப்பட்டார்.
மூலம்- bluewin
