சொலோதர்ன் (Solothurn) மாகாணத்தின் டெரெண்டிங்கனில் (Derendingen) உள்ள ஒரு எரிபொருள் நிலையத்தில் இடம்பெற்ற சம்பவத்தில் ஒருவர் உயிரிழந்துள்ளார்.
அங்கிருந்து சில நூறு மீட்டர் தொலைவில், சொலோதர்னின் சுபிங்கனில் (Subingen) உள்ள லுசெர்ன்ஸ்ட்ராஸ் (Luzernstrasse) சாலையில், வட்டச் சந்திப்பில் (roundabout) இருந்த கொன்கிரீட் தடுப்புகளில் மோதி முற்றிலும் சேதமடைந்த நிலையில் ஒரு வோல்வோ (Volvo) கார் காணப்படுகிறது.
இவ்விரு சம்பவங்களுக்கும் இடையே ஏதேனும் தொடர்பு உள்ளதா என்பது குறித்து தற்போது தெளிவான தகவல் இல்லை.
சொலோதர்ன் மாகாணக் காவல் துறையின் ஊடகப் பேச்சாளரான நூர்டின் கம்சி (Nourdin Khamsi), இச்சம்பவம் குறித்த விவரங்களை உறுதிப்படுத்தினார்.
நேற்று இரவு சுமார் 8:20 மணியளவில், டெரெண்டிங்கனில் உள்ள எரிபொருள் நிலையத்தில் பலருக்கு இடையே கைகலப்பு ஏற்பட்டது. இதில் ஒருவர் உயிரிழந்தார்.”
சுமார் பத்து நிமிடங்களுக்குப் பிறகு, சுபிங்கனில் நடந்த வாகன விபத்து ஒன்றில் ஒருவர் மிதமான காயங்களுக்குள்ளானார். “அவர் அம்புலன்ஸ் மூலம் மருத்துவமனைக்குக் கொண்டு செல்லப்பட்டார்” என்று கம்சி தெரிவித்தார்.
குற்றம் மற்றும் விபத்து நடந்ததற்கான துல்லியமான சூழல் குறித்து விசாரணை நடைபெற்று வருகிறது. இவ்விரு நிகழ்வுகளுக்கும் இடையே ஏதேனும் தொடர்பு உள்ளதா என்பது குறித்தும் அதிகாரிகள் ஆய்வு செய்து வருகின்றனர்.
ஞாயிற்றுக்கிழமை பிற்பகுதியில் இது குறித்த கூடுதல் தகவல்களை வெளியிடக் காவல் துறை திட்டமிட்டுள்ளது.
மூலம்- 20min
