ஆராவ் (Aarau) ரயில் நிலையத்தில், தண்டவாளத்தைக் கடக்க முயன்ற 24 வயது இளைஞர் ஒருவர், ரயில் மோதியதில் உயிரிழந்தார்.
இந்தச் சம்பவம் வெள்ளிக்கிழமை இரவு 7:45 மணிக்கு நிகழ்ந்தது. 24 வயது இளைஞர் ஒருவரும் அவரது சகோதரரும் ரயில் நிலையத்திற்கு கிழக்கே இருந்த பரந்த ரயில் பாதைய பகுதிக்குள் நுழைந்தனர்.
பல தண்டவாளங்களைக் கடந்தபோது, அதிவேகமாக வந்த சரக்கு ரயில் அந்த இளைஞர் மீது மோதியது. இதில் அவர் பலத்த காயமடைந்து உயிரிழந்தார். அவருடன் இருந்த தம்பி எவ்விதக் காயமுமின்றி தப்பினார்.
இது ஒரு துரதிர்ஷ்டவசமான விபத்து என்றே தெரிகிறது. ஆரம்பகட்ட விசாரணையின்படி, இருவரும் குறுக்குவழியைப் பயன்படுத்துவதற்காகத் தடைசெய்யப்பட்ட ரயில் பாதை பகுதிக்குள் சட்டவிரோதமாக நுழைந்துள்ளனர்.
இதில் எந்தவிதமான குற்றச் செயலும் நடந்ததற்கான அறிகுறிகள் இல்லை.
ஆர்காவ் (Aargau) மாகாணக் காவல் துறையினர் இது குறித்து விசாரணை நடத்தி வருகின்றனர். அரசு வழக்கறிஞர் அலுவலகமும் இந்தச் சம்பவம் தொடர்பாக விசாரணை தொடங்கியுள்ளது.
மூலம்- bluewin
