சனிக்கிழமை மாலை நிறைவடைந்த ‘ரெண்டெவ்வு புண்டஸ்ப்ளாட்ஸ்’ (Rendez-vous Bundesplatz) எனும் ஒளி மற்றும் ஒலி காட்சியின் 16-வது பதிப்பு, பெர்ன் நகரில் உள்ள நாடாளுமன்ற சதுக்கத்தில் சுமார் 400,000 பார்வையாளர்களை ஈர்த்துள்ளதாக அதன் அமைப்பாளர்கள் தெரிவித்துள்ளனர்.
இது முந்தைய பதிப்புகளுடன் ஒப்பிடுகையில் குறைவான எண்ணிக்கையாகும்.

இந்த ஆண்டு திருவிழா, 36 மாலைகளில் மொத்தம் 108 காட்சிகளாக நடத்தப்பட்டது. இதில் சுவிட்சர்லாந்தின் வனவிலங்குகள் மற்றும் பருவ கால மாற்றங்கள் குறித்த காட்சிகள் நாடாளுமன்றக் கட்டிடத்தின் முகப்பில் திரையிடப்பட்டன.
நாரைகள் மற்றும் தவளைகள் நிறைந்த சதுப்பு நிலங்கள், அணில்கள் விளையாடும் இலையுதிர் காலக் காடுகள், பனி மூடிய மலைப்பகுதிகள் மற்றும் வண்ணத்துப்பூச்சிகள் சிறகடித்துப் பறக்கும் காட்சிகள் எனப் பல அழகான காட்சிகள் இதில் இடம்பெற்றன.
சுவிஸ் இசைக்குழுவான ‘டேக் திஸ்’ (Take This) தங்களின் நேரடி இசை நிகழ்ச்சியின் மூலம் இந்த நிகழ்விற்கு மேலும் மெருகூட்டியது. இருப்பினும், பார்வையாளர்களின் எண்ணிக்கை குறைந்துள்ளதாக அமைப்பாளர்கள் குறிப்பிட்டுள்ளனர்.
கடந்த ஆண்டு, கட்டணமில்லாத இந்த நிகழ்ச்சியை சுமார் 465,000 பேர் கண்டுகளித்தனர். 2024-ஆம் ஆண்டில் சுமார் 621,000 பேர் கலந்துகொண்டனர்.
17-வது ‘ரெண்டெவ்வு புண்டஸ்ப்ளாட்ஸ்’ நிகழ்வு 2027-ஆம் ஆண்டு அக்டோபர் மற்றும் நவம்பர் மாதங்களில் நடைபெறத் திட்டமிடப்பட்டுள்ளது.
மூலம்- swissinfo


