அதிக மழைப்பொழிவு காரணமாக, குறிப்பாக மத்திய டிசினோவில் வெள்ளம், நிலச்சரிவுகள் மற்றும் சிதைவுகள் பாய்ந்தோடும் ஆபத்து அதிகரித்துள்ளதாக, சுவிட்சர்லாந்து வானிலை அமைப்பு எச்சரித்துள்ளது.
அதன் அறிக்கையின்படி, புதன்கிழமை மொத்தம் சுமார் 11,000 மின்னல் தாக்குதல்கள் பதிவாகியுள்ளன.
சுவிட்சர்லாந்தின் சில பகுதிகளில் நேற்றும், ஆலங்கட்டி மழை மற்றும் பலத்த காற்றும் வீசியது. இடியுடன் கூடிய பலத்த மழையினால் பாதிப்புகள் ஏற்பட்டுள்ளன.
ஆர்காவ் கன்டோனில் உள்ள ஃபஹ்ர்வாங்கனில், காற்றினால் ஒரு மரம் சரிந்தது.
ஓல்டன் – சிசாக் பாதையில் தற்போது லுஃபெல்ஃபிங்கன் மற்றும் சிசாக் இடையே ரயில் போக்குவரத்து தடைபட்டுள்ளது.
கடுமையான வானிலை சேதமே இதற்குக் காரணம் என SBB தெரிவித்துள்ளது.
இன்று அதிகாலை 1 மணி வரை மூடல் நீடிக்கும் என்று எதிர்பார்க்கப்படுவதாகவும் தெரிவிக்கப்பட்டுள்ளது.
பக்டன் இல் ஏற்பட்ட நிலச்சரிவினால், S-Bahn பாதை S9 பாதிக்கப்பட்டுள்ளது.
முன்னதாக, நேற்று மாலை சுவிட்சர்லாந்தின் பல பகுதிகளுக்கு கடுமையான வானிலை ஆபத்து நிலை 3, அறிவிக்கப்பட்டது.
சூரிச், ஆர்காவ், துர்காவ், ஷாஃபாசென், ஜூரா, பாசல் கன்டோன்கள், மற்றும் லூசெர்ன் மற்றும் ஸ்விஸ் கன்டோன்களின் சில பகுதிகள் உட்பட பல பகுதிகளுக்கு இந்த வானிலை எச்சரிக்கை விடுக்கப்பட்டது.
மூலம் – 20min.