சீன மின் வணிக நிறுவனமான Temu, சுவிட்சர்லாந்தில் தனது “உள்ளூருக்கு-உள்ளூர்” திட்டத்தை அறிமுகப்படுத்தியுள்ளது.
செப்டம்பர் 15 ஆம் திகதி முதல், சுவிஸ் சில்லறை விற்பனையாளர்கள் தங்கள் தயாரிப்புகளை நேரடியாக Temuவின் தளத்தில் வழங்க முடியும் என அந்த நிறுவனம் அறிவித்துள்ளது.
முதற்கட்டமாக, சுவிஸ் நிறுவனங்கள் தங்கள் தயாரிப்புகளை சுவிட்சர்லாந்தில் மட்டுமே விற்பனை செய்து அனுப்ப முடியும்.
பின்னர் இந்த சேவை பிற சந்தைகளுக்கும் நீடிக்கப்படும் என்று செய்திக்குறிப்பில் கூறப்பட்டுள்ளது.
Temu முக்கியமாக ஆசியாவில் உள்ள உற்பத்தியாளர்கள் மற்றும் சில்லறை விற்பனையாளர்களிடமிருந்து தயாரிப்புகளை அதன் தளத்தில் வழங்கி வருகிறது.
“உள்ளூருக்கு-உள்ளூர்” திட்டத்துடன், இந்த நிறுவனம் மேற்கத்திய நாடுகளிலிருந்து சில்லறை விற்பனையாளர்களையும் ஈர்க்க விரும்புகிறது.
ஜெர்மனி போன்ற சில ஐரோப்பிய நாடுகளில், இந்த திட்டம் சில காலத்திற்கு முன்னரே தொடங்கப்பட்டது.
மூலம்- swissinfo