யவுண்டேவில் நடைபெறும் உலக வர்த்தக அமைப்பின் (WTO) அமைச்சர்கள் கூட்டம், தற்போதைய அரசியல் பதட்டங்களுக்கு மத்தியில் அனைவரும் ஒன்றிணைவதற்கான ஒரு தருணமாக அமைய வேண்டும் என சுவிஸ் ஜனாதிபதி கை பார்மெலின் தெரிவித்துள்ளார்.
அவசியமான அவசர சீர்திருத்தங்களை ஒத்திவைக்க வேண்டாம் என அவர் காணொளிக் காட்சி மூலம், நடத்திய உரையில் உறுப்பு நாடுகளைக் கேட்டுக்கொண்டுள்ளார்.
பெருகிவரும் பொருளாதாரப் பிளவு மற்றும் ஒருதலைப்பட்ச அணுகுமுறைகளின் பெருக்கத்திற்கு மத்தியில், உலக வர்த்தக அமைப்பு (WTO) “நிலைத்தன்மை மற்றும் கணிக்கக்கூடிய தன்மையின் ஒரு தூணாக” நிலைத்திருக்க வேண்டும் என்று அந்த அமைப்பின் 14வது அமைச்சர்கள் கூட்டத்தின் தொடக்கத்தில் பார்மெலின் வலியுறுத்தினார்.
அமெரிக்கா, ஐரோப்பிய ஒன்றியம் மற்றும் சீனாவைப் போலவே, உலக வர்த்தக அமைப்பும் “தற்போதைய தேவைகளுக்கு ஏற்ப மிகவும் நெகிழ்வாகப் பதிலளிக்கக் கூடியதாக இருக்க வேண்டும்” என்று அவர் நம்புகிறார்.
குறைந்தது ஞாயிற்றுக்கிழமை வரை நீடிக்க திட்டமிடப்பட்டுள்ள இந்தக் கூட்டத்தின் மையக் கருவாக இந்தப் பிரச்சினை இருக்கும்.
இங்கிலாந்தும் சுவிட்சர்லாந்தும் உலக வர்த்தக அமைப்பின் அடிப்படைக் கொள்கைகளைத் தக்கவைக்க விரும்புகின்றன. “பாகுபாடின்மை, வெளிப்படைத்தன்மை மற்றும் நேர்மை” பேணப்பட வேண்டும் என்று பார்மெலின் மேலும் கூறினார்.
மூலம்- swissinfo