அதிகம் கொடுக்கும் சூக் – அதிகம் வாங்கும் பெர்ன்.

2027-ஆம் ஆண்டில் சுவிஸ் நிதி சமன்பாட்டுத் திட்டத்தின் ஒரு பகுதியாக, பணக்கார மாகாணங்களிலிருந்து ஏழை மாகாணங்களுக்கு சுமார் 4.6 பில்லியன் சுவிஸ் பிராங்குகள் மாற்றப்படும்.

இது 2026-ஆம் ஆண்டை விட 1.8 பில்லியன் சுவிஸ் பிராங்குகள் குறைவாகும். பெர்ன் தொடர்ந்து பெரும் வெற்றியாளராகவும், சூக் மற்றும் ஜெனீவா பெரும் பங்களிப்பாளர்களாகவும் இருக்கின்றன.

கூட்டாட்சி நிதி நிர்வாகம் செய்த கணக்கீடுகளின்படி, அடுத்த ஆண்டு நிகர பங்களிப்பாளர்களில் மொத்தம் எட்டு மாகாணங்கள் இடம்பெறும்.

முறையே 529 மில்லியன் சுவிஸ் பிராங்குகள் மற்றும் 497 மில்லியன் சுவிஸ் பிராங்குகள் செலுத்தவிருக்கும் சூக் மற்றும் ஜெனீவா மாகாணங்களுக்குப் பிறகு, சூரிச், ஷ்விட்ஸ், பhசல் சிட்டி, நிட்வால்டன், ஷாஃப்ஹவுசன் மற்றும் அப்பென்செல் இன்னர் ரோட்ஸ் ஆகியவை வருகின்றன.

இந்தக் கூட்டமைப்பு ஒற்றுமையால் மற்ற 18 மாகாணங்களும் பயனடையும். இதில் பெர்ன் முதலிடம் வகிக்கிறது.

அதுவே 2027-ல் வழங்கப்படவுள்ள 1.71 பில்லியன் பிராங் நிகர இழப்பீட்டுத் தொகையுடன் மிகப்பெரிய பயனாளியாகத் திகழ்கிறது.

அடுத்ததாக வலெய்ஸ் (897 மில்லியன்), ஆர்காவ் (709 மில்லியன்) மற்றும் ஃபிரிபர்க் (593 மில்லியன்) பிராங்குகளுடன் பயனடைகின்றன. நியூசாடெல் 247 மில்லியனையும், ஜூரா 179 மில்லியனையும், வாட் 126 மில்லியன் பிராங்குகளையும் பெறும்.