உள்ளூராட்சித் தேர்தலில் 257 உள்ளூராட்சி சபைகளை தேசிய மக்கள் சக்தி கைப்பற்றியுள்ளது.
எவ்வாறாயினும், அக்கட்சிக்கு ஆட்சி அமைப்பதற்கு தேவையான தனிப்பெரும்பான்மை 126 சபைகளில் மாத்திரமே கிடைத்துள்ளது.
ஏனைய சபைகளில் ஆட்சியமைப்பதற்கு மற்றைய கட்சிகளின் உதவியைப் பெற வேண்டிய கட்டாயத்தில் தேசிய மக்கள் சக்தி காணப்படுகிறது.
ஐக்கிய மக்கள் சக்தி 14 சபைகளிலும், இலங்கை தமிழரசுக் கட்சி 35 சபைகளிலும், ஶ்ரீலங்கா முஸ்லிம் காங்கிரஸ் 6 சபைகளிலும், அகில இலங்கை தமிழ் காங்கிரஸ் 3 சபைகளிலும், ஆட்சியைக் கைப்பற்றியுள்ளன.
கொழும்பு மாநகர சபை உள்ளிட்ட பல உள்ளூராட்சி சபைகளில் தேசிய மக்கள் சக்தி பெற்றுக்கொண்ட உறுப்பினர்களை விடவும் அதிகளவான உறுப்பினர்களை எதிர்க்கட்சிகள் பெற்றுக்கொண்டுள்ளன.
இறுதியான தேர்தல் முடிவு
தேசிய மக்கள் சக்தி (NPP) – 43.3 வீதமான வாக்குகள் – 3,841 உறுப்பினர்கள்
ஐக்கிய மக்கள் சக்தி (SJB) – 21.6 சதவீத வாக்குகள் – 1,727 உறுப்பினர்கள்
ஶ்ரீலங்கா பொதுஜன பெரமுன (SLPP) – 9.1 சதவீத வாக்குகள் – 726 உறுப்பினர்கள்
ஐக்கிய தேசிய கட்சி (UNP) – 4.6 சதவீத வாக்குகள் – 371 உறுப்பினர்கள்
பொதுஜன ஐக்கிய முன்னணி (PA) – 3.6 சதவீத வாக்குகள் – 292 உறுப்பினர்கள்
இலங்கை தமிழரசு கட்சி (ITAK) – 2.8 சதவீத வாக்குகள் – 364 உறுப்பினர்கள்
சர்வஜன அதிகாரம் (SB) – 2.8 சதவீத வாக்குகள் – 264 உறுப்பினர்கள்
ஶ்ரீலங்கா முஸ்லிம் காங்கிரஸ் (SLMC) – 1.3 சதவீத வாக்குகள் – 114 உறுப்பினர்கள்
ஜனநாயக தமிழ் தேசிய கூட்டணி (DTNA) – 0.8 சதவீத வாக்குகள் – 105 உறுப்பினர்கள்
அகில இலங்கை மக்கள் காங்கிரஸ் (ACMC) – 0.7 சதவீத வாக்குகள் – 60 உறுப்பினர்கள்
இலங்கை தொழிலாளர் காங்கிரஸ் (CWC) – 0.6 சதவீத வாக்குகள் – 54 உறுப்பினர்கள்
