2025 ஆம் ஆண்டின் முதல் பாதியில் – கடந்த ஆண்டின் இதே காலகட்டத்துடன் ஒப்பிடும்போது சுவிட்சர்லாந்து, 20% க்கும் அதிகமான போர் உபகரணங்களை ஏற்றுமதி செய்துள்ளது.
சுமார் 358 மில்லியன் பிராங் மதிப்புள்ள இராணுவ உபகரணங்களை இந்த ஆண்டின் முதல் பாதியில் ஏற்றுமதி செய்யப்பட்டதாக பொருளாதார விவகாரங்களுக்கான அரச செயலகம் தெரிவித்துள்ளது.
சுவிஸ் இராணுவ உபகரணங்களை வாங்குபவர்களில் கட்டார் மற்றும் சவுதி அரேபியா போன்ற நாடுகளும் அடங்கும்.
ஜெர்மனி 160 மில்லியன் பிராங் ஆயுதங்களையும். அமெரிக்கா 50 மில்லியன் பிராங் பெறுமதியான ஆயுதங்களையும் வாங்கியுள்ளன.
2025 ஆம் ஆண்டின் முதல் பாதியில் சுவிஸ் ஆயுத ஏற்றுமதியின் அளவு கடந்த பத்து ஆண்டுகளில் மூன்றாவது மிக அதிகமாகும்.
2024 ஆம் ஆண்டின் முதல் பாதியுடன் ஒப்பிடும்போது, 20.5% அதிகரிப்பு காணப்பட்டது.
கட்டார் மற்றும் சவுதி அரேபியாவிற்கான ஏற்றுமதி முறையே 95.5% மற்றும் 57% அதிகரித்துள்ளது.
அதே நேரத்தில் ஹங்கேரிக்கான ஏற்றுமதி 660% அதிகரித்துள்ளது.
2023 ஐ விட 2024 ஆம் ஆண்டில் சுவிட்சர்லாந்து குறைவான இராணுவ உபகரணங்களை ஏற்றுமதி செய்ததாக புள்ளிவிவரங்கள் காட்டுகின்றன.
மொத்தம் 664.7 மில்லியன்பிராங் மதிப்புள்ள இராணுவ உபகரணங்கள் கடந்த ஆண்டு 60 நாடுகளுக்கு ஏற்றுமதி செய்யப்பட்டன, இது 2023 உடன் ஒப்பிடும்போது 5% குறைவாகும்.
மூலம்- swissinfo