போர்டிங் பாஸ் இல்லாமல் விமானத்தில் ஏறி கழிப்பறையில் பதுங்கியிருந்தவர் கைது.

சூரிச் விமான நிலையத்தில் இருந்து கிரான் கனாரியாவுக்குப் புறப்படவிருந்த விமானத்தில், போர்டிங் பாஸ் பெறாமல் ஏறி கழிப்பறைக்குள் மறைந்திருந்த ஒருவர் பிடிபட்டுள்ளார்.

நேற்று எடெல்வைஸ் ஏர்பஸ் A320 விமானத்தில் செல்லுபடியாகும் போர்டிங் பாஸ் இல்லாமல் ஏறிய ஒருவர், இறுதி பயணிகளின் எண்ணிக்கையின் போது கண்டுபிடிக்கப்பட்டார்.

அந்த நபர் விமானத்தின் கழிப்பறையில் மறைந்திருந்தார்.

பின்னர் விமான நிறுவன குழுவினர் சூரிச் கன்டோனல் பொலிசுக்கு தகவல் தெரிவித்தனர், அவர்கள் ஊடுருவிய நபரைக் காவலில் எடுத்து அழைத்துச் சென்றனர்.

இதனால், பயணிகள் மூன்று மணி நேரம் விமானத்தில் அமர்ந்திருந்தனர். கூடுதல் பாதுகாப்பு சோதனைகளுக்குப் பின்னர், விமானம் மீண்டும் புறப்பட அனுமதிக்கப்பட்டது.

திட்டமிடப்பட்டபடி பிற்பகல் 1:25 மணிக்குப் பதிலாக, விமானம் பிற்பகல் 4:40 மணிக்கு புறப்பட்டது.

மூலம்- bluewin