மது அருந்துவதற்கான குறைந்தபட்ச வயதெல்லை அதிகரிப்பு இளைஞர்களின் கல்வி செயல்திறன் மற்றும் மன ஆரோக்கியத்தை கணிசமாக மேம்படுத்தியுள்ளதாக சூரிச் பல்கலைக்கழகத்தின் ஆய்வு தெரிவிக்கிறது.
கடந்த 20 ஆண்டுகளில் மதுச் சட்டங்களை கடுமையாக்கியுள்ள நான்கு ஸ்பானிஷ் பிராந்தியங்கள் இந்த ஆய்வின் போது, பகுப்பாய்வு செய்யப்பட்டன.
மது நுகர்வுக்கான குறைந்தபட்ச வயதெல்லை அதிகரிப்பு, கடுமையான விற்பனை விதிகள் மற்றும் புதிய விளம்பர வழிகாட்டுதல்கள் ஆகியவை சீர்திருத்தங்களில் அடங்கும் என்று சூரிச் பல்கலைக்கழகம் (UZH) செவ்வாயன்று ஒரு செய்திக்குறிப்பில் தெரிவித்துள்ளது.
ஆய்வின் முடிவுகள் சுவிட்சர்லாந்திற்கும் பொருத்தமானவை என்று அது கூறியுள்ளது. இங்கு, 16 வயதுடையவர்கள் சட்டப்பூர்வமாக பியர் மற்றும் வைன் அருந்த அனுமதிக்கப்படுகிறார்கள், மேலும் இளைஞர்களிடையே குடிப்பழக்க விகிதம், ஐரோப்பிய ஒன்றிய சராசரியை விட அதிகமாக உள்ளது.
ஸ்பெயினின் கண்டுபிடிப்புகள் கடுமையான வயது வரம்புகள் கல்வி நன்மைகளைக் கொண்டிருக்கலாம் என்று கூறுகின்றன.
எடுத்துக்காட்டாக, மது அருந்துவதற்கான குறைந்தபட்ச வயதை 16 இலிருந்து 18 ஆக உயர்த்துவது இளைஞர்களின் அறிவாற்றல் வளர்ச்சியை மேம்படுத்துவதற்கான செலவுகுறைந்த கருவியாக இருக்கும் என்று ஆய்வாளர்கள் கூறுகின்றனர்.
- குறைந்து வரும் போக்கு இருந்தபோதிலும், ஐரோப்பிய இளைஞர்களிடையே மது அருந்துதல் சர்வதேச அளவில் ஒப்பிடுகையில் இன்னும் குறிப்பிடத்தக்க அளவில் அதிகமாக உள்ளது.
- ஐரோப்பிய பள்ளி கணக்கெடுப்பில் 15 முதல் 16 வயதுடையவர்களில் கிட்டத்தட்ட பாதி பேர் கடந்த மாதத்தில் மது அருந்தியதாகவும், சுமார் 30% பேர் அதிகப்படியான குடிப்பழக்கத்தைப் பதிவு செய்ததாகவும் தெரிவித்தனர்.
மதுச் சட்டங்கள் கடுமையாக்கப்பட்டதைத் தொடர்ந்து மது அருந்துவதற்கான நிகழ்தகவு 14% குறைந்துள்ளது என சூரிச் பல்கலைக்கழகத்தின் பொருளாதாரத் துறையின் உதவிப் பேராசிரியரான கார்மென் வில்லாவின் தெரிவித்துள்ளார்.
மது அருந்துதல் மற்றும் மது விஷம் குறைவதும் கணிசமான கல்வி ஆதாயங்களுக்கு வழிவகுக்கிறது. ஏனெனில் இளமைப் பருவத்தில் மது அறிவாற்றல் வளர்ச்சியை பாதிக்கிறது.
ஆய்வின்படி, சட்டப்பூர்வ மது அருந்தும் வயது உயர்த்தப்பட்ட பகுதிகளில் மன ஆரோக்கியமும் மேம்பட்டுள்ளது. பதட்டம் மற்றும் தூக்கமின்மைக்கு மருந்து எடுத்துக் கொள்ளும் வாய்ப்பு இளைஞர்கள் 10% குறைவாக இருந்தனர்.
மூலம்- swissinfo