சுவிஸ் குழுக்களான Nestlé மற்றும் Hochdorf, பிரெஞ்சு நிறுவனங்களான Danone, Lactalis மற்றும் Vitagermine ஆகியவற்றின் குழந்தைப் பால்மா திரும்பப் பெறப்பட்டது தொடர்பாக பாரிஸ் நீதிமன்றத்தில் ஃபுட்வோட்ச் என்ற அரசு சாரா நிறுவனம் முறைப்பாடு செய்துள்ளது.
சில பால்மா தொகுதிகளில் பக்டீரியாவால் ஏற்படும் செருலைடு என்ற நச்சுப் பொருள் இருப்பதால், டிசம்பரில் குழந்தைப் பால்மாவை திரும்பப் பெற்ற நிறுவனங்களின் மீது விசாரணை நடத்த வேண்டும் என்று அது அழைப்பு விடுத்துள்ளது.
இது ஆறு மாதங்களுக்கும் குறைவான குழந்தைகளைப் பாதிக்கின்றது. நாங்கள் மீண்டும் மீண்டும் குற்றவாளிகளைக் கையாள்கிறோம். நெஸ்லே மீது நாங்கள் புகார் அளிப்பது மூன்றாவது முறை” என்று ஃபுட்வோட்ச் தெரிவித்துள்ளது.
எட்டு குற்றங்களுக்கு யார் பொறுப்பு என்பதை தீர்மானிக்க பாரிஸ் நீதிமன்றத்தின் பொது சுகாதாரப் பிரிவு இந்த வழக்கை எடுத்துக்கொள்ளும் என்று நம்புவதாகவும் அது குறிப்பிட்டுள்ளது.
குழந்தைகளின் சந்தேகத்திற்கிடமான மரணங்களைத் தொடர்ந்து இரண்டு குற்றவியல் நடவடிக்கைகள் தொடங்கப்பட்ட போர்டியாக்ஸ் மற்றும் ஆங்கர்ஸில் உள்ள அரசு வழக்கறிஞர் அலுவலகங்களைத் தொடர்பு கொண்டதாக ஃபுட்வாட்ச் மேலும் கூறியது.
எனினும், தனது தயாரிப்புகளுக்கும் நோய்வாய்ப்பட்ட குழந்தைகளுக்கும் இடையே எந்த தொடர்பும் இல்லை என்று நெஸ்லே நிறுவனத்தின் தலைவர் பிலிப் நவ்ரதில் தெரிவித்துள்ளார்.
மூலம்- swissinfo