ஜெனீவாவில் குறைந்தபட்ச ஊதியத் திட்டம், மிகக் குறைந்த ஊதியம் பெறும் ஊழியர்களுக்கு நேர்மறையான விளைவை ஏற்படுத்தி வருவதாக ஒரு ஆய்வில் தெரியவந்துள்ளது.
இந்த திட்டம் தொடங்கப்பட்ட இரண்டு ஆண்டுகளுக்குப் பின்னர், குறைந்தபட்ச ஊதியத்திற்குக் குறைவான சம்பளம் பெறுவோர் 7.4% இலிருந்து 4% ஆகக் குறைந்துள்ளது.
ஜெனீவா மேலாண்மைப் பள்ளி மற்றும் ஜெனீவா பல்கலைக்கழகத்தின் பொருளாதாரம் மற்றும் வேலைவாய்ப்புத் துறையால் நியமிக்கப்பட்ட ஆய்வில் இந்த அறிக்கை நான்காவதும் இறுதியானதுமாகும்.
குறைந்தபட்ச ஊதியத்திற்குக் குறைவான தனியார் துறை சம்பள வீதம் 10.7% இலிருந்து 5.3% ஆகக் குறைந்துள்ள நிலையில், பெண்கள் அதிக பலன் பெற்றுள்ளனர் என்பதை இது உறுதிப்படுத்துகிறது.
ஆண்களுக்கான சம்பள வீதம் 5% இலிருந்து 3% ஆகக் குறைந்துள்ளது. சட்டப்பூர்வ குறைந்தபட்ச சம்பளத்துடன் தொடர்புடைய சராசரி ஊதிய இடைவெளியும் 14% இலிருந்து 6.9% ஆகக் குறைந்துள்ளது.
குறைந்தபட்ச ஊதியம் வேலையின்மையில் குறிப்பிடத்தக்க தாக்கத்தை ஏற்படுத்தவில்லை என்பதையும் அறிக்கை காட்டுகிறது.
மூலம்-swissinfo