ஈரானில் உள்ள சுவிஸ் தூதரகத்தில் ஒரு சிறிய குழு மீண்டும் பணியைத் தொடங்கியுள்ளதாக சுவிஸ் வெளியுறவு அமைச்சகம் அறிவித்துள்ளது.
அபாயங்களை ஆராய்ந்த பின்னரும், தெஹ்ரான் மற்றும் வொஷிங்டனுடன் உடன்பாடு எட்டிய பின்னரும், தூதரகத்தை படிப்படியாக மீண்டும் திறக்கும் முடிவு எடுக்கப்பட்டது.
சுவிஸ் தூதரகப் பொறுப்பாளர் மற்றும் நான்கு பணியாளர்கள் தூதரக நடவடிக்கைகளை மீண்டும் தொடங்குவதற்கான தயாரிப்புகளில் ஈடுபட்டுள்ளனர் என்றும், இது களத்தில் நிலவும் நிலவரங்களைப் பொறுத்தது என்றும் அமைச்சகம் ஒரு செய்திக்குறிப்பில் தெரிவித்துள்ளது.
ஒரு பாதுகாப்பு சக்தியாக, சுவிட்சர்லாந்தால் ஈரானில் அமெரிக்காவின் நலன்களை மீண்டும் நேரடியாக களத்தில் பிரதிநிதித்துவப்படுத்த முடியும். தூதரகம் தற்காலிகமாக மூடப்பட்டிருந்தபோது, இரு நாடுகளுக்கும் இடையிலான தகவல் தொடர்பு வழித்தடம் திறந்தே இருந்தது.
நிலையற்ற பாதுகாப்புச் சூழல் காரணமாக மார்ச் 11 அன்று தூதரகம் தற்காலிகமாக மூடப்பட்டது. பிராந்தியத்தில் நிலவும் நிலவரங்களை சுவிட்சர்லாந்து தொடர்ந்து உன்னிப்பாகக் கண்காணித்து வருவதாக அமைச்சகம் தெரிவித்துள்ளது.
மூலம்- swissinfo
