ஹன்டா வைரஸ் பரவலால் பாதிக்கப்பட்டுள்ள ஹோண்டியஸ் என்ற சொகுசுக் கப்பலில் உள்ள பணியாளர்களில் ஒரு சுவிஸ் நாட்டவரும் உள்ளதாக தெரிவிக்கப்பட்டுள்ளது.
அந்த நபருக்கு எந்த அறிகுறிகளும் இல்லை, ஆனால் அவர் தொற்றுடன் தொடர்பில் இருந்தவர் என்று கூட்டாட்சி பொது சுகாதார அலுவலகத்தின் இயக்குநர் கூறினார்.
அந்த சுவிஸ் நாட்டவர், கப்பலில் இருந்த தொற்றுள்ள நபர்களுடன் தொடர்பில் இருந்துள்ளார், மேலும் அவர் இன்னும் பாதிக்கப்பட்ட கப்பலிலேயே இருக்கிறார். “நல்ல வேளையாக, அவர் நலமாக இருக்கிறார்,” என்று கூட்டாட்சி பொது சுகாதார அலுவலகத்தின் (FOPH) இயக்குநர் ஆன் லேவி, கூறினார்.
கப்பல் டெனெரிஃப் தீவை அடைந்தவுடன், நோயாளிகளை என்ன செய்வது என்பது குறித்து உலக சுகாதார அமைப்பு முடிவு செய்யும் என்று லேவி மேலும் கூறினார்.
ஹோண்டியஸ் கப்பலில் தற்போது யாருக்கும் அறிகுறிகள் தென்படவில்லை என்று அதனை இயக்கும் ஓஷன்வைட் எக்ஸ்பெடிஷன்ஸ் நிறுவனம் விளக்கியுள்ளது.
கப்பல் ஞாயிற்றுக்கிழமை காலை டெனெரிஃபில் உள்ள கிரானடில்லா துறைமுகத்தை வந்தடையும் என்று எதிர்பார்க்கப்படுகிறது.
ஆபிரிக்காவின் மேற்குக் கடற்கரைக்கு அப்பால் உள்ள ஸ்பானியத் தீவின் துறைமுகத்தில் கப்பல் நங்கூரமிட்ட பிறகு, பயணிகளின் மருத்துவ நடவடிக்கைகள் மற்றும் அவர்கள் தாயகம் திரும்புவது குறித்து அதிகாரிகள் தீர்மானிப்பார்கள்.
மூலம்- swissinfo