2024-ஆம் ஆண்டு சூரிச்சில் ஒரு ஆர்த்தடாக்ஸ் யூதரைக் கத்தியால் குத்தியதற்காக- கொலை முயற்சி வழக்கில் ஒரு சுவிஸ் இளைஞருக்கு ஓராண்டு சிறைத்தண்டனை விதிக்கப்பட்டுள்ளது.
இருப்பினும், அந்த இளைஞரை சிகிச்சைக்காக ஒரு பராமரிப்பு மையத்தில் வைப்பதற்காக, இந்தச் சிறைத்தண்டனை நிறுத்தி வைக்கப்பட்டுள்ளது.
“யூதர்கள் என்பதற்காகவே அவர்களைக் கொல்வது மனசாட்சியற்ற செயலாகும்.” என தனது சுருக்க உரையில், நீதிபதி குறிப்பிட்டார்.
தொடர்ச்சியான அச்சுறுத்தல்களை விடுத்த குற்றச்சாட்டிலிருந்து நீதிமன்றம் பிரதிவாதியை விடுவித்தது.
அப்போது 15 வயதாக இருந்த, துனிசிய வம்சாவளியைச் சேர்ந்த அந்த சுவிஸ் நாட்டவர், மார்ச் 2024-ல் சூரிச் நகரின் ஒரு பொது வீதியில் கத்தியால் ஒரு ஆர்த்தடாக்ஸ் யூதரைக் கடுமையாகக் காயப்படுத்தினார்.
யூதர்களைக் கொல்லும் நோக்கத்தில், அவர் இதற்கு முன்னர் ஒரு யூத வழிபாட்டுத் தலத்திற்குள் நுழைய முயன்றதாகவும் கூறப்படுகிறது.
அந்த இளைஞர் இணையத்தின் மூலம் தீவிரவாதக் கருத்துக்களால் ஈர்க்கப்பட்டு, இஸ்லாமிய அரசுக்குத் தனது விசுவாசத்தை அறிவித்ததாகவும் சொல்லப்படுகிறது.
குற்றப்பத்திரிகையின்படி, இளைஞர் வழக்குத் துறை, பிரதிவாதி மீது பல கொலை முயற்சிகள், ஒரு குற்றவியல் அமைப்புக்கு ஆதரவளித்தல், மற்றும் பாகுபாடு மற்றும் வெறுப்பைத் தூண்டுதல் ஆகிய குற்றச்சாட்டுகளைச் சுமத்தியுள்ளது. அது ஓராண்டு சிறைத் தண்டனையையும், பல்வேறு பாதுகாப்பு நடவடிக்கைகளையும் கோரியது.
மூலம்- swissinfo
