நான்கு முதல் ஏழு வயதுக்குட்பட்ட குழந்தைகளின் சுவிஸ் பெற்றோரில் 41% பேர், தங்கள் பிள்ளையின் பள்ளிப் பயணம் ஆபத்தானது என்று கருதுகின்றனர்.
போக்குவரத்து மற்றும் சுற்றுச்சூழல் சங்கம் (ATE), செல்லும் வழியில் நடைபாதைகளை உருவாக்கவும், வேக வரம்புகளைக் குறைக்கவும் அழைப்பு விடுத்துள்ளது.
இந்த ஆய்வின்படி, 85% குழந்தைகள் மணிக்கு 50 கி.மீ அல்லது அதற்கும் அதிகமான வேக வரம்பு உள்ள சாலையைக் கடக்கின்றனர் என்ற உண்மையின் அடிப்படையில் இந்த அழைப்புகள் நியாயப்படுத்தப்படுகின்றன. மேலும், சுவிட்சர்லாந்தில் பெரும்பாலான குழந்தைகள் பள்ளிக்கு நடந்து செல்கிறார்கள் என்பதையும் இது காட்டுகிறது.
ATE மற்றும் சாலைப் பாதுகாப்பு நிதியத்தின் சார்பாக, யூகோவ் (Yougov) என்ற கருத்துக் கணிப்பு நிறுவனம், நான்கு முதல் ஏழு வயதுக்குட்பட்ட குழந்தைகளின் 800 பெற்றோரிடம் கணக்கெடுத்தது. இந்தப் பெற்றோர்களில், பிரெஞ்சு மொழி பேசும் சுவிட்சர்லாந்து மற்றும் டிசினோவைச் சேர்ந்தவர்கள், பாதுகாப்பு மிகவும் மோசமாக இருப்பதாக மதிப்பிட்டனர்.
பாதுகாப்பான நடைபாதைகள், பாதுகாப்பான பாதசாரிக் கடவைகள், குறைந்த வேக வரம்புகள் மற்றும் கடுமையான அமுலாக்கம் ஆகியவற்றைத் தங்கள் உள்ளூர் அதிகாரிகள் வழங்க வேண்டும் என்று பெற்றோர்கள் எதிர்பார்க்கிறார்கள்.
குறுகிய காலத்தில் செயல்படுத்தக்கூடிய ஒரு நடவடிக்கையாக, ‘நடைப் பேருந்து’ திட்டங்களை விரிவுபடுத்த ATE பரிந்துரைக்கிறது. இது, பெரியவர்களின் மேற்பார்வையின் கீழ் குழந்தைகள் பள்ளிக்கு நடந்து செல்லும் ஒரு முறையாகும்.
சுயமாக பள்ளிக்கு நடந்து செல்லும் குழந்தைகள் ஆரோக்கியமாகவும், வகுப்பில் அதிக கவனத்துடனும் இருப்பதுடன், படிப்படியாக முக்கியமான சாலைப் பாதுகாப்புத் திறன்களையும் வளர்த்துக் கொள்கிறார்கள் என்று ATE அமைப்பு கூறியுள்ளது.
மூலம்- swissinfo
