ஈரான் போரின் பிராந்திய தாக்கம் குறித்த கவலைகள் காரணமாக, உயர்தர சுவிஸ் சொக்லேட் தயாரிப்பாளரான லிண்ட் & ஸ்ப்ரூங்லி, டுபாயில் தனது முதன்மை அங்காடியை அமைக்கும் திட்டத்தைக் கைவிட்டுள்ளது.
“மத்திய கிழக்கில் நிலவும் தற்போதைய புவிசார் அரசியல் சூழ்நிலையைக் கருத்தில் கொண்டு,” அருங்காட்சியகம் மற்றும் சில்லறை விற்பனை நிலையம் ஆகியவற்றை இணைக்கும் லிண்ட்டின் திட்டங்கள் இடைநிறுத்தப்பட்டுள்ளன என்று சுவிட்சர்லாந்தின் கில்ச்பெர்க்கை தளமாகக் கொண்ட அந்த நிறுவனம் ஒரு அறிக்கையில் தெரிவித்துள்ளது.
இந்த அங்காடியை அமைக்கும் திட்டம் நீண்ட காலமாக இருந்து வந்தது. இதன் தலைவர் எர்ன்ஸ்ட் டானர், கடந்த பிப்ரவரியில் , அரசாங்கத்துடன் ஒரு உடன்பாட்டிற்கு வர இரண்டு ஆண்டுகள் ஆனது என்று கூறியிருந்தார்.
அதன் தலைமையகத்தில் ஒன்பது மீட்டர் உயர சொக்லேட் நீரூற்றைக் கொண்ட ‘ஹவுஸ் ஒவ் சொக்லேட்’-ஐ உலகின் பிற இடங்களுக்கு ஏற்றுமதி செய்வதே அசல் திட்டமாக இருந்தது. இந்த ஆண்டு லண்டன் மற்றும் வியன்னாவில் இதேபோன்ற அங்காடிகளை அது திறந்தது.
ஆனால், சுற்றுலாத்துறை சரிவில் இருக்கும்போது டுபாயில் முதலீடு செய்வது குறித்த கவலைகள் காரணமாக, இந்தத் திட்டங்களைக் கைவிடும் முடிவு எடுக்கப்பட்டது.
டுபாய் மற்றும் அபுதாபி வழியாக குறைவான பயணிகளே பயணம் செய்வதால், மத்திய கிழக்கு பதட்டங்கள் அதன் பயண சில்லறை வர்த்தகத்தின் அளவைப் பாதிக்கின்றன என்று லிண்ட்ட் ஜூலை மாதம் கூறியது.
ஏப்ரல் மாதம், டுபாயில் கடையைத் திறப்பது 2028-ஆம் ஆண்டின் இரண்டாம் பாதியில் திட்டமிடப்பட்டுள்ளது என்றும், அதற்கான அடிக்கல் நாட்டு விழா இன்னும் நடைபெறவில்லை என்றும் டானர் கூறினார்.
இப்பகுதி ஒரு முக்கியமான சந்தையாகத் தொடர்கிறது என்றும், லிண்ட் நிறுவனம் அங்குள்ள நிலவரங்களைத் தொடர்ந்து கண்காணித்து, கள நிலவரம் மாறும்போதெல்லாம் இந்தத் திட்டத்தை மறுமதிப்பீடு செய்யும் என்றும் அந்நிறுவனம் மேலும் கூறியது.
மூலம்- swissinfo
