இந்த மாத தொடக்கத்தில், பாசல் அருகே சுவிட்சர்லாந்திற்குள் கடத்தி வரப்பட்ட பெருமளவிலான கோழி இறைச்சி, உறைந்த சிப்ஸ், மயோனைஸ் மற்றும் கெட்ச்அப் ஆகியவற்றை சுவிஸ் சுங்க அதிகாரிகள் கைப்பற்றியுள்ளனர்.
மார்ச் 9 ஆம் திகதி கூட்டாட்சி சுங்க மற்றும் எல்லைப் பாதுகாப்பு அலுவலகத்தின் (FOCBS) அதிகாரிகள், பாசல் மாகாணத்தில் உள்ள பிராட்டெல்ன் நெடுஞ்சாலை சேவை நிலையத்தில், ஜெர்மனியிலிருந்து வந்த சுவிஸ் பதிவு எண் கொண்ட ஒரு வாகனத்தை நிறுத்தி சோதனை செய்தனர்.
35 வயதான அந்த ஓட்டுநர், 1.5 தொன் உறைந்த சிப்ஸ், 75 கிலோ பல்வேறு கோழி இறைச்சிப் பொருட்கள், 100 கிலோ மயோனைஸ் மற்றும் 79 கிலோ கெட்ச்அப் ஆகியவற்றை ஏற்றிச் சென்றது கண்டறியப்பட்டது.
“அந்த வாகனம் குளிரூட்டப்பட்ட சரக்கு வாகனம் அல்ல, இது உணவுப் பாதுகாப்பு விதிமுறைகளை மீறுவதாகும்,” என்று அந்த அலுவலகம் திங்களன்று வெளியிட்ட அறிக்கையில் கூறப்பட்டுள்ளது.
சுங்க வரிகள் செலுத்தப்படவில்லை மற்றும் அனுமதிக்கப்பட்ட அதிகபட்ச எடை வரம்பும் மீறப்பட்டிருந்தது.
அடுத்த நாள், 110 கிலோ கோழி இறைச்சி மற்றும் 2 தொன் சிப்ஸ் ஏற்றிச் சென்ற மற்றொரு சரக்கு வாகனம் இடைமறிக்கப்பட்டது. மீண்டும், குளிரூட்டும் விதிகள் மதிக்கப்படவில்லை.
வாகனங்களில் அளவுக்கு அதிகமாகச் சுமை ஏற்றப்பட்டிருந்ததால், கூட்டாட்சி அதிகாரிகள் இரு வழக்குகளிலும் குற்றவியல் நடவடிக்கைகளைத் தொடங்கி, உணவுப் பொருட்களைக் கைப்பற்றி ஓட்டுநர்கள் மீதும் புகார் அளித்துள்ளனர்.
மூலம்- swissinfo