ஃப்ரிபோர்க்கில் காற்றின் தரம் முன்னேற்றம் – ஓசோன், அமோனியா மட்டும் அதிகம்.

அண்மைய ஆண்டுகளில் சுவிஸ் நகரமான ஃப்ரிபோர்க் முழுவதும் காற்றின் தரம் முன்னேற்றம் அடைந்துள்ளது. ப்ரிபோர்க் சுற்றுச்சூழல் சேவை (SEn) நடத்திய ஆரம்ப மதிப்பீட்டின்படி, ஓசோன் மற்றும் அமோனியா மட்டுமே இன்னும் மிக அதிகமாக உள்ளன.

இந்த இரண்டு கூறுகளின் செறிவுகளைக் குறைப்பதை உறுதி செய்ய, சுவிட்சர்லாந்திலும் வெளிநாட்டிலும் முயற்சிகள் மேற்கொள்ளப்பட வேண்டும் என்று தெரிவிக்கப்பட்டுள்ளது.

- Advertisement -

காற்றைப் பாதுகாப்பதற்கான நடவடிக்கைகள் குறித்த திட்டம் நடைமுறைக்கு வந்த ஐந்து ஆண்டுகளுக்குப் பின்னர், இந்த ஆரம்ப மதிப்பீடு மேற்கொள்ளப்பட்டுள்ளது.

குறுகிய காலத்தில் காற்றைப் பாதுகாப்பதற்கான புதிய நடவடிக்கைத் திட்டத்தை உருவாக்க வேண்டிய அவசியத்தை முடிவுகள் சுட்டிக்காட்டவில்லை. தற்போதைய திட்டத்தை தொடர்ந்து செயல்படுத்துவதே போதுமானது என்றும் தெரிவிக்கப்பட்டுள்ளது.