ஈரானுக்கு எதிரான போர் நடவடிக்கையில் ஈடுபட்டிருந்த மூன்று அமெரிக்க போர் விமானங்கள் சுட்டு வீழ்த்தப்பட்டுள்ளன என்று அமெரிக்க இராணுவம் அறிவித்துள்ளது.
குவைத் வான் பாதுகாப்புப் படையினர் தவறுதலாக F-15E ஸ்ட்ரைக் ஈகிள் போர் விமானங்களைச் சுட்டு வீழ்த்தினர் என்று அமெரிக்கா தெரிவித்துள்ளது.
“ஈரானிய விமானங்கள், பலிஸ்டிக் ஏவுகணைகள் மற்றும் ட்ரோன்களின் தாக்குதல்களைத் தடுக்கும் சண்டையின் போது – அமெரிக்க விமானப்படை போர் விமானங்கள் குவைத் வான் பாதுகாப்புப் படையினரால் தவறுதலாக சுட்டு வீழ்த்தப்பட்டன என்று அமெரிக்க மத்திய கட்டளையின் அறிக்கை கூறுகிறது.
“சுடப்பட்ட விமானங்களில் இருந்த ஆறு பேரும் பாதுகாப்பாக வெளியேற்றப்பட்டனர், பாதுகாப்பாக மீட்கப்பட்டனர் மற்றும் நிலையான நிலையில் உள்ளனர். இந்த சம்பவத்தை குவைத் ஒப்புக் கொண்டுள்ளது, மேலும் இந்த தொடர்ச்சியான நடவடிக்கையில் குவைத் பாதுகாப்புப் படைகளின் முயற்சிகளுக்கும் அவர்களின் ஆதரவிற்கும் நாங்கள் நன்றியுள்ளவர்களாக இருக்கிறோம். சம்பவத்திற்கான காரணம் விசாரணையில் உள்ளது என்று CENTCOM தெரிவித்துள்ளது.
முன்னதாக, திங்கட்கிழமை அதிகாலையில் “பல” அமெரிக்க போர் விமானங்கள் விபத்துக்குள்ளானதாக குவைத்தின் பாதுகாப்பு அமைச்சர் கூறியிருந்தார்.