சுவிட்சர்லாந்தில் எரிபொருள் பற்றாக்குறை ஏற்படுவதற்கான “மிக அதிக” அபாயம் இருப்பதாக சுவிஸ் சரக்கு வர்த்தக சங்கமான Suissenégoce-ன் பொதுச் செயலாளர் புளோரன்ஸ் ஷர்ச் தெரிவித்துள்ளார்.
பிலிப்பைன்ஸ், வியட்நாம் மற்றும் பங்களாதேஷ் உள்ளிட்ட சில நாடுகளின் மூலோபாய கையிருப்பு இந்த மாதம் முதல் தீர்ந்துவிடும் என்று அந்த முதன்மை சங்கம் மார்ச் மாதத்தில், எச்சரித்திருந்தது.
“உண்மையைச் சொல்லப்போனால், நிலைமை மிகவும் சிக்கலாகி வருகிறது,” என்று ஷர்ச் கூறினார்.
எரிவாயுவைப் பொறுத்தவரை, நிலைமையும் “கடுமையானது” என்று விவரிக்கப்படுகிறது.
பொதுவாக கோடை காலத்தில் சேமிக்கப்படும் கையிருப்பு, போதுமானதாக இல்லாமல் போகும் அபாயத்தில் உள்ளது. இதற்கு முக்கிய காரணம், “கத்தாரில் உள்ள ஒரு சுத்திகரிப்பு நிலையம் அழிக்கப்பட்டதும், அது விரைவில் மீண்டும் கட்டப்படப் போவதில்லை என்பதும்” ஆகும்.
சுவிட்சர்லாந்தின் எரிவாயு கையிருப்பு வெளிநாடுகளில், குறிப்பாக ஜெர்மனி மற்றும் பிரான்சில் சேமிக்கப்பட்டுள்ளதையும் அவர் சுட்டிக்காட்டினார்.
இந்த சார்புநிலை நெருக்கடி காலங்களில் சிக்கலாக அமையக்கூடும். “அவசர காலங்களில் சர்வதேச ஆதரவு தோல்வியடையக்கூடும் என்பதை கோவிட் அனுபவம் நமக்குக் கற்றுக் கொடுத்துள்ளது,” என்று அவர், பெருந்தொற்றின் போது முகக்கவச விநியோகம் தடுக்கப்பட்ட நிகழ்வைச் சுட்டிக்காட்டி குறிப்பிட்டார்.
சுவிட்சர்லாந்திலும் ஒரே ஒரு எண்ணெய் சுத்திகரிப்பு நிலையம் மட்டுமே உள்ளது, இது நாட்டின் தேவைகளில் சுமார் 20%-ஐப் பூர்த்தி செய்கிறது.
இருப்பினும், எரிசக்தி விநியோகத்தைப் பாதுகாப்பதற்காக மத்திய அரசு அதிக விலையைச் செலுத்தத் தயாராக இருக்கலாம் என்று ஷர்ச் கூறுகிறார்.
மூலம்- swissinfo