நேட்டோவின் அமைதிக்கான கூட்டாண்மையின் ஒரு பகுதியாக, சுவிட்சர்லாந்து சர்வதேச ‘டைகர் மீட்’ பயிற்சியில் பங்கேற்கிறது.
கிரீஸில் உள்ள அராக்சோஸில் நடைபெறும் இந்தப் பயிற்சியில், சுவிஸ் விமானப்படை சார்பில் ஐந்து F/A-18 ரக போர் விமானங்கள் பங்கேற்கின்றன.
மே 4 முதல் 15 ஆம் திகதி வரை, ஒன்பது நாடுகளைச் சேர்ந்த 12 படைப்பிரிவுகளுடன் சுவிட்சர்லாந்தும் இணையும் என்று அரசாங்கம் வெளியிட்ட ஒரு அறிக்கையில் தெரிவித்துள்ளது.
யதார்த்தமான சூழ்நிலைகளில் நடைபெறும் இந்தப் பயிற்சியின் நோக்கம், பல்வேறு படைகளின் இராணுவத் திறன்களை ஒப்பிட்டு மேம்படுத்துவதாகும்.
மேலும், “சர்வதேச பாதுகாப்புத் திறன்களை மேம்படுத்துவதும், நேட்டோ மற்றும் கூட்டாளி நாடுகளுக்கு இடையே ஒருங்கிணைப்பை வளர்ப்பதும்” இதன் நோக்கமாகும்.
50-க்கும் மேற்பட்ட போர் விமானங்கள் மற்றும் 1,500 பங்கேற்பாளர்கள் இதில் பங்கேற்பார்கள் என எதிர்பார்க்கப்படுகிறது.
மூலம்- swissinfo