பிரெஞ்சு மலையேறி ஒருவர் 2,436 மீட்டர் உயரத்தில் தவறி விழுந்து உயிரிழந்துள்ளார்.
சனிக்கிழமை மாலை சுமார் 5:30 மணியளவில், வாலேயில் உள்ள ஓர்சியர்ஸுக்கு மேலே இருக்கும் கோல் டு போன்ஹோம் கணவாயில் இந்தச் சம்பவம் இடம்பெற்றுள்ளது.
இரண்டு மலையேறுபவர்கள் ஏறிக்கொண்டிருந்த போது, அந்தக் கணவாய்க்கும் லூய் பிளான்ஷுக்கும் இடையில், சுமார் 2,436 மீட்டர் உயரத்தில், அவர்களில் ஒருவர், தவறி விழுந்து உயிரிழந்தார் என வாலேஸ் மாகாண காவல்துறை ஒரு செய்திக்குறிப்பில் தெரிவித்துள்ளது.
அவருடன் சென்றவர் உடனடியாக வாலேஸ் மாகாண மீட்பு அமைப்பின் அவசரகால சேவைகளுக்குத் தகவல் தெரிவித்தார்.
அவர்கள் ஏர்-கிளேசியர்ஸ் ஹெலிகொப்டர் மூலம் விபத்து நடந்த இடத்திற்கு விரைந்தனர், ஆனால் அந்த நபரின் மரணத்தை மட்டுமே அவர்களால் உறுதிப்படுத்த முடிந்தது.
உயிரிழந்தவர் 38 வயதான பிரெஞ்சு நாட்டவர் ஆவார். வாலேஸ் அரசு வழக்கறிஞர் அலுவலகம் இதுகுறித்து விசாரணையைத் தொடங்கியுள்ளது.
மூலம்- bluewin