உலகக் கிண்ண கால்பந்து 2026 தொடரின் முதல் அரையிறுதிப் போட்டியில், பிரான்ஸ் அணியை 2-0 என்ற கோல் கணக்கில் வீழ்த்தி ஸ்பெயின் அணி இறுதிப் போட்டிக்கு முன்னேறியுள்ளது.
டல்லாஸ் மைதானத்தில் நடைபெற்ற இந்தப் போட்டியில், ஆரம்பம் முதலே ஸ்பெயின் அணி ஆதிக்கம் செலுத்தியது. போட்டியின் 22-வது நிமிடத்தில் ஸ்பெயின் அணிக்கு கிடைத்த பெனால்டி வாய்ப்பை மிகச்சரியாகப் பயன்படுத்தி மிக்கெல் ஓயர்சாபால் (Mikel Oyarzabal) முதல் கோல் அடித்தார்.
இதனைத் தொடர்ந்து, ஆட்டத்தின் 58-வது நிமிடத்தில் பெட்ரோ போரோ (Pedro Porro) ஸ்பெயின் அணிக்கான இரண்டாவது கோலை அடித்து வெற்றியை உறுதி செய்தார்.
பிரான்ஸ் அணி ஆட்டத்தை தன்வசப்படுத்த பல முயற்சிகளை மேற்கொண்ட போதிலும், ஸ்பெயின் அணியின் பலமான தடுப்பாட்டத்தை மீறி அவர்களால் ஒரு கோல் கூட அடிக்க முடியவில்லை.
2010ஆம் ஆண்டு உலகக் கிண்ணத்தை வென்ற பிறகு, ஸ்பெயின் அணி உலகக் கிண்ண இறுதிப் போட்டிக்குத் தகுதி பெறுவது இதுவே முதல் முறையாகும்.
மற்றொரு அரையிறுதிப் போட்டியில் அர்ஜென்டினா மற்றும் இங்கிலாந்து அணிகள் இன்று மோதவுள்ளன. இதில் வெற்றி பெறும் அணியுடன் இறுதிப் போட்டியில் ஸ்பெயின் பலப்பரீட்சை நடத்தும்.
