நேபாளத்தில் ஏற்பட்ட பேரழிவுகரமான வெள்ளத்தைத் தொடர்ந்து, சுவிட்சர்லாந்து தனது உதவியை 2 மில்லியன் டொலராக (1.61 மில்லியன் சுவிஸ் பிராங்க்) இரட்டிப்பாக்கியுள்ளது.
மேலும், புனரமைப்புப் பணிகளுக்கு உதவுவதற்கும், பேரிடர் தயார்நிலைக்கு ஆதரவளிப்பதற்கும் மூன்று நிபுணர்கள் அந்தநாட்டிற்குப் பயணம் செய்ய உள்ளனர்.
இதுவரை, சுவிஸ் மேம்பாடு மற்றும் ஒத்துழைப்பு முகமை (SDC) நேபாளத்திற்கான அவசரகால உதவிக்காக 1 மில்லியன் டொலரை ஒதுக்கியிருந்தது.
ஐக்கிய நாடுகள் சபையின் வேண்டுகோளைத் தொடர்ந்து, SDC தற்போது மேலும் 1 மில்லியன் டொலர் வழங்குவதாக உறுதியளித்துள்ளது என்று வெளியுறவு அமைச்சு தெரிவித்தது. இந்த நிதி, பாதிக்கப்பட்ட மக்களுக்குக் குடிநீர், அவசரகால தங்குமிடம் மற்றும் உணவு வழங்குவதற்குப் பயன்படுத்தப்படும்.
நிதி உதவியுடன், சுவிஸ் மனிதாபிமான உதவிப் பிரிவைச் சேர்ந்த இரண்டு நிபுணர்கள் நேபாளத்திற்குப் பயணம் செய்கின்றனர்.
மூன்றாவது நிபுணர் உள்நாட்டிலேயே பணியமர்த்தப்படுவார். பாதுகாப்பான புனரமைப்பை உறுதி செய்வதிலும், பேரிடர் இடர் மேலாண்மையை வலுப்படுத்துவதிலும் நேபாள அதிகாரிகளுக்கு ஆதரவளிப்பதே அவர்களின் பணியாக இருக்கும்.
வெள்ளிக்கிழமை நிலவரப்படி, நேபாளத்தில் உயிரிழந்தவர்களின் எண்ணிக்கை 1,290 ஆக உயர்ந்துள்ளது, மேலும் சுமார் 4,800 பேர் இன்னும் காணாமல் போயுள்ளனர். அண்டை நாடான திபெத்திலும் 31 பேர் உயிரிழந்ததாகவும், 500-க்கும் மேற்பட்டோர் காணாமல் போனதாகவும் பதிவாகியுள்ளது.
மூலம்- swissinfo
