அமெரிக்கப் பேச்சுவார்த்தையாளர்கள் வருகை காரணமாக, உக்ரைன் தலைநகர் கீவ் மீதான வான்வழித் தாக்குதல்களை மூன்று நாட்களுக்கு நிறுத்துமாறு ரஷ்ய ஜனாதிபதி விளாடிமிர் புடின் உத்தரவிட்டுள்ளார்.
மொஸ்கோவில் கிரெம்ளின் செய்தித் தொடர்பாளர் டிமிட்ரி பெஸ்கோவ் இதை அறிவித்ததாக, அரசு செய்தி நிறுவனமான டாஸ் தெரிவித்துள்ளது. இந்தத் தாக்குதல் இடைநிறுத்தம் ஞாயிற்றுக்கிழமை தொடங்கி மூன்று நாட்களுக்கு நீடிக்கும்.
சனிக்கிழமை, அமெரிக்க சிறப்புத் தூதுவர் ஸ்டீவ் விட்கோஃப் மற்றும் அமெரிக்க ஜனாதிபதி டொனால்ட் ட்ரம்பின் மருமகன் ஜாரெட் குஷ்னர் ஆகியோரை புடின் சந்திப்பார் என்பதை பெஸ்கோவ் உறுதிப்படுத்தினார்.
இந்த வருகை தொடர்பாக மூன்று நாட்களுக்கு ரஷ்ய வான்வெளிக்கு ஆபத்தை ஏற்படுத்தமாட்டோம் என்று உக்ரைன் உறுதியளித்துள்ளது. இரு அமெரிக்கப் பேச்சுவார்த்தையாளர்களும் தங்களது முதல் பேச்சுவார்த்தைக்காக ஞாயிற்றுக்கிழமை கீவ் வருவார்கள் என எதிர்பார்க்கப்படுகிறது.
மூலம்-20min
