பனிச்சறுக்கு மையத்தில் இருந்து கோண்டோலா கபின் தரையில் விழுந்து நொருங்கியது.

மத்திய சுவிட்சர்லாந்தில் உள்ள பிரபலமான பனிச்சறுக்கு மையமான எங்கல்பர்க்கில்,இன்று காலை ஒரு கோண்டோலா கபின் தரையில் விழுந்து நொறுங்கியதாக உறுதி செய்யப்பட்டுள்ளது.

கபினுக்குள் யாரேனும் இருந்தார்களா என்பது தெளிவாகத் தெரியவில்லை. விபத்துக்கான காரணங்களும் உறுதியாகத் தெரியவில்லை, தற்போது அப்பகுதியில் பலத்த காற்று வீசுகிறது.

டைட்லிஸ்பானென் செய்தித் தொடர்பாளர் ஒருவர் இதனை உறுதிப்படுத்தினார். இணையதளத்தில் வெளியிடப்பட்ட ஒரு காணொளியில், பனிச்சரிவில் கபின் கீழே விழுவது காட்டப்பட்டுள்ளது.

நிட்வால்டன் மாகாண காவல்துறை, மேலதிக விவரங்கள் எதையும் அளிக்காமல், “ஒரு விபத்து” நிகழ்ந்ததை உறுதிப்படுத்தியுள்ளது. அவசர சேவைகள் சம்பவ இடத்தில் உள்ளன. அப்பகுதியில் பலத்த காற்று வீசுவதாகக் கூறப்பட்டுள்ளது.

குறைந்தது ஒருவர் காயமடைந்துள்ளதாக தெரிவிக்கப்பட்டுள்ளது.

இந்தச் சம்பவம் குறித்து அதிகாரிகள் எங்கல்பர்க்கில் பிற்பகல் 3 மணிக்கு செய்தியாளர் சந்திப்பு நடத்துவார்கள்.

எங்கல்பர்க்-டிட்லிஸ் மத்திய சுவிட்சர்லாந்தின் மிகப்பெரிய பனிச்சறுக்கு மையமாகும். இது கடல் மட்டத்திலிருந்து 1,000 முதல் 3,000 மீட்டர் வரையிலான உயரத்தில், 82 கிலோமீட்டர் நீளமுள்ள குறிக்கப்பட்ட பனிச்சறுக்குப் பாதைகளை வழங்குகிறது.

மூலம்- swissinfo