ஜெனிவாவில் ரஷ்ய உளவாளிகள் தங்கள் இருப்பை வலுப்படுத்துகிறார்கள் என்று சுவிஸ் தொலைக்காட்சியான RTS தெரிவித்துள்ளது.
ரஷ்ய அதிகாரிகள் தங்கள் தூதரக கட்டடங்களில் புதிய செயற்கைக்கோள் அமைப்புகளை கன்டோனல் அரசின் அங்கீகாரம் இல்லாமல் வைத்துள்ளனர் என்றும் அந்தச் செய்தியில் கூறப்பட்டுள்ளது.
ஜெனீவாவில் உள்ள ஐக்கிய நாடுகள் சபைக்கான ரஷ்யாவின் நிரந்தர பணியகம், ஐ.நா. தலைமையக கட்டடத்திற்கு எதிரே அமைந்துள்ளது.
ரஷ்யாவின் தூதரக வளாகம், உயரமான சுற்றுச்சுவர், கண்காணிப்பு கமராக்கள் மற்றும் ஆயுதமேந்திய காவலர்களால் பாதுகாக்கப்பட்டுள்ளது.
இது, அதிகாரப்பூர்வமாக இராஜதந்திர நெறிமுறைகளுக்கு உட்பட்டது.
ஆனால், ரஷ்யா ஏராளமான உளவு அன்ரனாக்கள், கேட்கும் சாதனங்கள் மற்றும் தெருவில் இருந்து பார்க்க முடியாத செயற்கைக்கோள் அமைப்புகளை நிறுவியுள்ளது.
இவை உளவு பார்க்க பயன்படுத்தப்படும் அன்ரனாக்கள் என்பதும், இராஜதந்திர பணிகளுக்கு அத்தகைய சாதனம் தேவையில்லை என்பதும் தெளிவு.
இந்த அன்ரனாக்கள் எலக்ட்ரானிக் தகவல்தொடர்புகள் மற்றும் செயற்கைக்கோள் தகவல்தொடர்புகளை உளவு பார்க்க பயன்படுத்தப்படுகின்றன என்று கிராஸ் பல்கலைக்கழகத்தின் ரகசிய சேவைகளில் நிபுணரான வரலாற்றாசிரியர் அட்ரியன் ஹன்னி RTS இடம் தெரிவித்துள்ளார்.
ரஷ்யா தனது உளவுத்துறை நடவடிக்கைகளை சுவிஸ் பிரதேசத்தில் விரிவுபடுத்துவதாகத் தெரிகிறது.
சுவிட்சர்லாந்து, ஐரோப்பா முழுவதும் செயல்படும் ரஷ்ய உளவாளிகளின் பின் தளமாகும். என்றும் அவர் கூறியிருக்கிறார்.
கன்டோனல் விதிகளின்படி, 90 செ.மீ.க்கும் அதிகமான விட்டம் கொண்ட எந்த செயற்கைக்கோள் அன்ரனாவும், சிறப்பு அங்கீகாரத்திற்கு உட்பட்டது.
2006 மற்றும் 2007 க்கு இடையில் சட்டப்பூர்வமாக ஒரு அன்ரனா நிறுவப்பட்டது. மற்றொரு அன்ரனா 2006 மற்றும் 2009 க்கு இடையில் நிறுவப்பட்டது, அதைத் தொடர்ந்து 2012 இல் ஒன்று, பின்னர் 2024 வரை இரண்டு கூடுதல் அன்ரனாக்கள் நிறுவப்பட்டன. அவை அனைத்தும் 90 செமீ விட்டம் கொண்டவை.
மொத்தத்தில், ஜெனீவாவில் உள்ள ரஷ்ய தூதரக கட்டடங்களின் கூரைகளில் நான்கு அன்ரனாக்கள் கன்டோனல் அங்கீகாரம் இல்லாமல் கட்டப்பட்டுள்ளன என்று RTS தெரிவிக்கப்பட்டுள்ளது.
மூலம் – swissinfo