நெதர்லாந்தின் ஹேக் நகரில் பாரிய குண்டுவெடிப்பு ஒன்று இடம்பெற்றுள்ளது.
உள்ளூர் நேரப்படி 6.15 மணியளவில் அடுக்குமாடிக் குடியிருப்புப் பகுதியில் இந்த வெடிப்பு நிகழ்ந்துள்ளது.
அதில் 3 மாடிகளைக் கொண்ட 5 அடுக்குமாடிக் குடியிருப்புத் தொகுதிகள் முற்றாக அழிந்து போயிருக்கின்றன.
இரண்டு பேர் உயிரிழந்திருப்பதாகவும் 4 பேர் காயமடைந்தனர் என்றும் உறுதி செய்யப்பட்டுள்ளது.
சம்பவ நேரம் அங்கு 20இற்கும் அதிகமானோர் இருந்தனர் என்றும் பலர் காணாமல் போயுள்ளனர் என்றும் அறிவிக்கப்பட்டுள்ளது,
எப்படி இந்த வெடிப்பு நிகழ்ந்தது என விரிவான தகவல்கள் வெளியாகவில்லை.
மீட்புப்பணிகள் இடம்பெற்று வருகின்றன.
